Photo · techpana.com
सरकारले विद्युतीय सवारीसाधनमा पिक पावर क्षमताको आधारमा लाग्दै आएको भन्सार महसुललाई मूल्यगत आधारमा लगाउने व्यवस्था गरेको छ। अर्थमन्त्री डा. स्वर्णिम वाग्लेले आगामी आर्थिक वर्षको बजेट प्रस्तुत गर्दै यसबारे जानकारी दिएका हुन्। यसका साथै, विभिन्न शीर्षकमा छरिएर रहेका करहरूलाई एकीकृत गरी हरित करका रूपमा राजश्व संकलन गरिनेछ।
आगामी बजेट उद्योगमैत्री हुने मुख्यमन्त्री बानियाँको दाबी, निजी क्षेत्र आशावादी
बागमती प्रदेशका मुख्यमन्त्री इन्द्रबहादुर बानियाँले प्रदेश सरकारले ल्याउने बजेट उद्योगमैत्री हुने बताएका छन्। यसैबीच, नेपाल उद्योग वाणिज्य महासंघका अध्यक्ष अञ्जन श्रेष्ठले आगामी आर्थिक वर्षको बजेटले मुलुकको अर्थतन्त्र र बजारलाई चलायमान बनाउन सकारात्मक भूमिका खेल्ने विश्वास व्यक्त गरेका छन्।
निजी क्षेत्रले बजेटको स्वागत गर्यो, घरजग्गा प्रदर्शनी असोजमा
नेपाल उद्योग वाणिज्य महासंघका अध्यक्ष अञ्जन श्रेष्ठले आगामी आर्थिक वर्षको बजेटले अर्थतन्त्र र बजार चलायमान बनाउन सकारात्मक भूमिका खेल्ने विश्वास व्यक्त गरेका छन्। बजेटका प्रावधानहरूले आर्थिक गतिविधि विस्तारमा सहयोग पुग्ने, आयकर सुधार, युवा लक्षित कार्यक्रम र आईटी क्षेत्रलाई प्राथमिकता दिइएको उनले बताए। यसैबीच, ‘९ औं नेपाल घरजग्गा तथा निर्माण प्रदर्शनी २०२६’ आगामी असोज १ देखि ४ गतेसम्म काठमाडौंको भृकुटीमण्डपमा आयोजना हुने भएको छ।
वैद्य अर्गनाइजेसन अल्ट्राभोइलेटको आधिकारिक वितरक नियुक्त, एक्स ४७ क्रसओभर ल्याउँदै
वैद्य अर्गनाइजेसन नेपालका लागि भारतीय प्रिमियम इलेक्ट्रिक मोटरसाइकल उत्पादक अल्ट्राभोइलेटको आधिकारिक वितरक र आयातकर्ता नियुक्त भएको छ। यसअघि केडिया ग्रुपले अल्ट्राभोइलेटका मोटरसाइकल बिक्री वितरण गर्दै आएको थियो। वैद्य अर्गनाइजेसनले चाँडै नेपालमा अल्ट्राभोइलेटको एक्स ४७ क्रसओभर मोटरसाइकल ल्याउने तयारी गरेको छ।
काठमाडौं महानगरपालिकाका एक हजारभन्दा बढी सहकारी सम्पर्कबाहिर, कारबाही प्रक्रिया अघि बढ्यो
काठमाडौं महानगरपालिकाभित्र सञ्चालनमा रहेका एक हजार १८६ वटा सहकारी संस्था सम्पर्कबाहिर रहेको पाइएको छ। महानगर सहकारी विभागका अनुसार दर्ता भएकामध्ये ७२६ वटाले मात्रै नियमित रूपमा वार्षिक प्रतिवेदन पेस गर्ने गरेका छन्। विभागका प्रमुख ध्रुवकुमार काफ्लेले सम्पर्कमा नरहेका सहकारीलाई कानुनअनुसार कारबाही गर्ने प्रक्रिया अघि बढाइएको जानकारी दिएका छन्।
