उपभोक्ता अदालतले कतार एयरवेजलाई २.६ करोड क्षतिपूर्ति तिर्न आदेश दियो

केन्द्रीय अनुसन्धान ब्युरो (सीआईबी)ले आर्थिक अनियमितताको सूचनाका आधारमा दुग्ध विकास संस्थान (डीडीसी)को केन्द्रीय कार्यालयमा छापा मारेको छ। सीआईबीको टोलीले डीडीसीको लैनचौरस्थित कार्यालयबाट दूध खरिदबिक्रीसम्बन्धी कागजात, कर्मचारीका मोबाइल र अन्य डिभाइस नियन्त्रणमा लिएको छ। अनुसन्धान प्रारम्भिक चरणमा रहेकाले विस्तृत विवरण भने खुलाइएको छैन।

राष्ट्रिय मानव अधिकार आयोगले ‘रुटिन अफ नेपाल बन्द’ फेसबुक पेजका सञ्चालक भिक्टर पौडेल, चलचित्र निर्देशक निश्चल बस्नेत, युट्युबर भाग्य न्यौपाने लगायत ११ जना व्यक्तिमाथि जेनजी आन्दोलनका क्रममा मानव अधिकार उल्लंघनका घटनामा संलग्नताको विषयमा थप अनुसन्धान गर्न सरकारलाई सिफारिस गरेको छ। आयोगले यी व्यक्तिहरूले प्रदर्शन भड्काउन भूमिका खेलेको ठहर गर्दै उनीहरूलाई कानुनी दायरामा ल्याउन आग्रह गरेको छ।

राष्ट्रिय मानव अधिकार आयोगले गत वर्षको जेन-जी आन्दोलनका क्रममा नख्खु कारागारबाट राष्ट्रिय स्वतन्त्र पार्टीका सभापति रवि लामिछाने बाहिरिएको घटनालाई गम्भीरतापूर्वक लिँदै उनीसहित चार जनामाथि सूक्ष्म अनुसन्धान गरी कारबाही गर्न सरकारलाई सिफारिस गरेको छ। आयोगको प्रतिवेदनले लामिछाने, जेलर सत्यराज जोशी, सांसद मनिष झा र हरि ढकाललाई शंकाको घेरामा राखेको छ।

सर्वोच्च अदालतले अदालतहरूमा लागू गरिएको गोला प्रक्रियाद्वारा पेशी व्यवस्थापन गर्ने प्रणालीमा कुनै परिवर्तन वा पुनर्विचार गर्ने सोच नरहेको स्पष्ट पारेको छ। केही सञ्चार माध्यम र सामाजिक सञ्जालमा गोला प्रक्रियाको विकल्प खोजिन लागेको भन्ने समाचार आएपछि सर्वोच्चले विज्ञप्ति जारी गर्दै यस्तो जानकारी दिएको हो। प्रवक्ता अर्जुनप्रसाद कोइरालाद्वारा जारी विज्ञप्तिमा दैनिक पेशी व्यवस्थापनका लागि अवलम्बन गरिएको गोला प्रक्रियाबारे पुनर्विचार गर्ने कुनै पनि सोच, धारणा वा योजना औपचारिक रूपमा कतै पनि चर्चा र छलफलमा नरहेको उल्लेख छ।