Photo · www.reportersnepal.com
काठमाडौं महानगरपालिकाले गोरखा मिडिया नेटवर्क प्रालिद्वारा सञ्चालित ग्यालेक्सी फोरके टेलिभिजनलाई १५ दिनभित्र घर खाली गर्न सार्वजनिक सूचना जारी गरेको छ। सूचनामा तोकिएको अवधिभित्र भाडा बक्यौता बुझाई सामान नलगेमा महानगरपालिकाले ऐनबमोजिम सामान लिलाम गर्ने चेतावनी दिएको छ। यो सूचना मृगेन्द्र मिश्रले दायर गरेको मुद्दामा अदालतको आदेश कार्यान्वयनको क्रममा आएको हो।
-1779855121.jpg)
प्रेम थारुमाथि चोरी र सम्पत्ति शुद्धीकरणको अभियोगमा प्रहरीले बुझायो अनुसन्धान प्रतिवेदन
प्रहरीले गत माघमा बौद्धबाट पक्राउ परेका प्रेम थारुमाथि चोरी र सम्पत्ति शुद्धीकरणसम्बन्धी मुद्दामा कारबाही गर्न माग गर्दै जिल्ला अदालत काठमाडौंमा अनुसन्धान प्रतिवेदन र अभियोग पत्र दायर गरेको छ। थारुले चोरीको रकमबाट घर, जग्गा र गाडी किनेको तथा विभिन्न बैंक खातामा करोडौंको कारोबार गरेको अभियोगमा उल्लेख छ।
वीरगञ्जका मेयर राजेशमान सिंहविरुद्ध नागरिकता किर्तेमा पक्राउ पुर्जी जारी
पर्सा जिल्ला अदालतले वीरगञ्ज महानगरपालिकाका मेयर राजेशमान सिंहविरुद्ध नागरिकता सम्बन्धी लिखत किर्ते गरेको कसुरमा पक्राउ पुर्जी जारी गरेको छ। अदालतले अनुसन्धानका लागि प्रहरीलाई अनुमति दिएको हो। मेयर सिंहमाथि झुट्टा विवरण र कागजात खडा गरी नागरिकता किर्ते गरेको आरोपमा लामो समयदेखि छानबिन भइरहेको थियो।
मन्त्रालयमा अभद्र व्यवहार गरी रकम माग्ने व्यक्ति पक्राउ
सिंहदरबारस्थित पूर्वाधार विकास मन्त्रालयमा अनधिकृत रूपमा प्रवेश गरी अभद्र व्यवहार गर्दै रकम माग गरेको आरोपमा कालिकोटका उपेन्द्रकुमार शाही पक्राउ परेका छन्। प्रहरीका अनुसार शाहीले मन्त्रालयको सचिवको कार्यकक्षमा प्रवेश गरी हुलहुज्जत र होहल्ला गरेका थिए। उनलाई पक्राउ गरी आपराधिक लाभ लिन नहुने कसुरमा अनुसन्धान भइरहेको छ।
सिन्धुली हिरासतमा थुनुवा मृत्यु प्रकरण: १० प्रहरीलाई कारबाही सिफारिस
सिन्धुलीको इलाका प्रहरी कार्यालय खुर्कोटको हिरासतमा थुनुवा श्रीकृष्ण विकको मृत्यु भएको घटनामा प्रहरी उपरीक्षक लालध्वज सुवेदीसहित १० प्रहरी कर्मचारीलाई कारबाही गर्न प्रहरी नायब महानिरीक्षक दिनेशकुमार आचार्य नेतृत्वको छानबिन समितिले सिफारिस गरेको छ। समितिले विभिन्न तहका प्रहरीलाई सचेत गराउने, ध्यानाकर्षण गराउने, चेतावनीसहित जिम्मेवारीबाट अलग गर्ने, नसिहत दिने र ग्रेड घटुवा गर्नेजस्ता कारबाहीको प्रस्ताव गरेको छ।
