Photo · prasashan.com
केन्द्रीय अनुसन्धान ब्युरो (सिआइबी) ले हिमालयन रि–इन्स्योरेन्ससहित पाँच कम्पनीको तीन अर्ब ७३ करोड रुपैयाँ दुरुपयोग गरी व्यक्तिगत लाभका लागि सेयर खरिद गरेको निष्कर्षसहित बिमा कसुरअन्तर्गत ४० भन्दा बढी व्यक्तिविरुद्ध मुद्दा चलाउन सिफारिस गरेको छ। सिआइबीले जिल्ला सरकारी वकिल कार्यालय, काठमाडौंमा प्रतिवेदन बुझाएको हो।
जनक परियार पक्राउ: मठ-मन्दिरमा आगो लगाउने अभिव्यक्ति दिएको आरोप
प्रहरीले रुकुम पश्चिमका जनक परियारलाई मठ-मन्दिरमा आगो लगाउने भन्दै धार्मिक सद्भाव भड्काउने अभिव्यक्ति दिएको आरोपमा पक्राउ गरेको छ। परियारले काठमाडौंको टोखा नगरपालिकामा बस्दै आएका थिए। जिल्ला प्रहरी परिसर काठमाडौंले घटनाबारे थप अनुसन्धान गरिरहेको छ।
प्राविधिक मर्मतसम्भारले ट्राफिक प्रहरीको अनलाइन जरिवाना भुक्तानी प्रणाली अवरुद्ध
महालेखा नियन्त्रक कार्यालयको रेभेन्यु मेनेजमेन्ट इन्फर्मेशन सिस्टममा प्राविधिक मर्मतसम्भार भइरहेकाले ट्राफिक नियम उल्लङ्घनबापतको अनलाइन जरिवाना भुक्तानी प्रणाली अवरुद्ध हुने भएको छ। उपत्यका ट्राफिक प्रहरी कार्यालयका अनुसार शुक्रबार दिउँसो साढे ३ बजेदेखि यो प्रणाली न्यूनतम ४ घण्टादेखि अधिकतम १४ घण्टासम्म बन्द रहनेछ। यस अवधिभर चालकहरूले अनलाइन माध्यमबाट जरिवाना तिर्न पाउने छैनन्।
महालेखाको प्रणाली मर्मतले अनलाइन ट्राफिक जरिवाना भुक्तानी अवरुद्ध हुने
महालेखा नियन्त्रक कार्यालयले राजस्व व्यवस्थापन सूचना प्रणालीमा प्राविधिक मर्मत सम्भार गर्नुपर्ने भएकाले अनलाइन ट्राफिक जरिवाना भुक्तानी सेवा असार १५ गते शुक्रबार दिउँसो ३:३० बजेदेखि अवरुद्ध हुने नेपाल प्रहरीले जनाएको छ। यो सेवा न्यूनतम ४ देखि अधिकतम १४ घण्टासम्म बन्द रहनेछ।
पोखराको नाइट क्लबमा गुण्डा नाइके सानुभाइ समूहद्वारा कुटपिट, प्रहरीको खोजी तीव्र
पोखराको लेकसाइडस्थित एक नाइट क्लबमा गुण्डागर्दी पृष्ठभूमिका युवराज गुरुङ उर्फ सानुभाइ र उनको समूहले अर्को समूहका युवामाथि कुटपिट गरी आतंक मच्चाएको प्रहरीले जनाएको छ। सामान्य विवादका क्रममा भएको कुटपिटपछि सानुभाइ समूह फरार भएको र पीडित पक्षको उजुरीपछि प्रहरीले खोजी तीव्र पारेको छ।
