4 स्रोत · 4 समाचार

सुरु 1 दिन अघि · अपडेट 1 दिन अघि

बिमा कसुरमा बिचौलिया भट्टसहित ४० जनालाई मुद्दा चलाउन सिफारिस

Photo · rajdhanidaily.com

केन्द्रीय अनुसन्धान ब्युरो (सिआइबी) ले हिमालयन रि–इन्स्योरेन्ससहित पाँच कम्पनीको तीन अर्ब ७३ करोड रुपैयाँ दुरुपयोग गरी व्यक्तिगत लाभका लागि सेयर खरिद गरेको निष्कर्षसहित बिचौलिया दीपक भट्टसहित ४० भन्दा बढी व्यक्तिविरुद्ध मुद्दा चलाउन सिफारिस गरेको छ। सिआइबीले जिल्ला सरकारी वकिल कार्यालय, काठमाडौंमा बिमा कसुरअन्तर्गत प्रतिवेदन बुझाएको छ।

• सिआइबीले हिमालयन रिका तत्कालीन अध्यक्ष शेखर गोल्छा, सञ्चालकहरू सुलभ अग्रवाल, अमित मोर, राजीव मोर, शुभेच्छा खरेल, सुभाषकुमार झुनझुनवाला, भारतीय नागरिक मनीष कुमार, प्रमुख कार्यकारी अधिकृत उपासना पौडेललगायतविरुद्ध मुद्दा चलाउन सिफारिस गरेको छ।
• अनुसन्धानअनुसार दीपक भट्टले इन्फिनिटी होल्डिङ्समार्फत हिमालयन रिमा ४.५० प्रतिशत अर्थात् ४६ लाख ८० हजार कित्ता सेयर लगानी गरेका थिए।
• हिमालयन रिबाट दुई अर्ब ८१ करोड ३३ लाख रुपैयाँ, हिमालयन क्याप सर्भबाट ३७ करोड रुपैयाँ, हिमालयन सेक्युरिटिज बैंकर लिमिटेडबाट २२ करोड १९ लाख रुपैयाँ, एचएलआई लार्ज क्याप फन्डबाट २५ करोड रुपैयाँ तथा नेपाल माइक्रो इन्स्योरेन्सबाट १६ करोड रुपैयाँ दुरुपयोग भएको उल्लेख छ।
• उक्त रकम सेयर बजारमा निश्चित कम्पनीको मूल्य बढाउने र घटाउने उद्देश्यले प्रयोग गरिएको आरोप छ।
• सम्पत्ति शुद्धीकरण अनुसन्धान विभागले पनि दीपक भट्ट र सुलभ अग्रवालमाथिको अनुसन्धान पूरा गरी विशेष सरकारी वकिल कार्यालयमा प्रतिवेदन बुझाइसकेको छ।