Photo · nepaltvonline.com
राष्ट्रपति रामचन्द्र पौडेलले विश्वकै सर्वोच्च शिखर सगरमाथाको प्राकृतिक सौन्दर्य र हिमाली वातावरण जोगाउन सबै पक्ष जिम्मेवार बन्नुपर्ने बताएका छन्। उनले हिमाली क्षेत्रको संरक्षणलाई समयको प्रमुख आवश्यकता उल्लेख गर्दै सगरमाथा नेपालको राष्ट्रिय गौरव, सांस्कृतिक पहिचान र अन्तर्राष्ट्रिय प्रतिष्ठाको प्रतीक भएको बताए। राष्ट्रपति पौडेलले जलवायु परिवर्तन र तापक्रम वृद्धिका कारण हिमाली क्षेत्रमा देखिएका असरप्रति चिन्ता व्यक्त गर्दै हिमाल जोगिए मात्र हिमाली पर्यटन टिकाउ हुने बताए।
वनमन्त्री चौधरीले बाँदर नियन्त्रणबारे सदनमा जवाफ दिइन्, कार्यदल गठन
वनमन्त्री गीता चौधरीले जंगली रातो बाँदरलाई कृषि हानिकारक वन्यजन्तु घोषणा गरिएको र निजी खेतीमा क्षति पुर्याएमा धनीले धपाउन वा पक्रन सक्ने व्यवस्था रहेको बताएकी छन्। उनले बाँदर आतंक नियन्त्रणका लागि उच्चस्तरीय कार्यदल गठन गरी तीन महिनाभित्र अध्ययन प्रतिवेदन पेस गर्ने जानकारी दिइन्।
सांसद तामाङले जलवायु संकट र बाँझो जमिनबारे सरकारको ध्यानाकर्षण गराइन्
सांसद डा. सुजाता तामाङले जलवायु परिवर्तन, वातावरणीय प्रदूषण, जैविक विविधताको ह्रास तथा बढ्दो बाँझो जमिनप्रति चिन्ता व्यक्त गर्दै प्रकृतिमैत्री विकास नीतिमा जोड दिन सरकारको ध्यानाकर्षण गराएकी छन्। उनले नेपालले हरितगृह ग्यास उत्सर्जनमा नगण्य योगदान दिए पनि तापक्रम वृद्धि, हिमाल पग्लिने क्रम, अनियमित वर्षा तथा प्राकृतिक विपद्का कारण ठूलो क्षति व्यहोर्नुपरेको बताइन्।
सरकारले आगामी आर्थिक वर्ष २०८३/८४ सम्ममा करिब एक खर्बको काठ बिक्री गर्ने लक्ष्य राखेको छ
सरकारले आगामी आर्थिक वर्ष २०८३/८४ सम्ममा करिब एक खर्ब रुपैयाँ बराबरको काठ बिक्री गर्ने लक्ष्य लिएको छ। कृषि, वन तथा वातावरणमन्त्री गीता चौधरीले वन क्षेत्रको उचित व्यवस्थापनमार्फत मुलुकलाई काठमा आत्मनिर्भर बनाउँदै निर्यातको दिशामा अघि बढाउने योजना सार्वजनिक गरेकी छिन्। यसका साथै, मन्त्रालयले वन अतिक्रमण नियन्त्रण र वन्यजन्तुको आक्रमणबाट पीडितलाई राहत दिने कार्यलाई पनि प्राथमिकता दिएको छ।
सरकारले आगामी आर्थिक वर्ष २०८३/८४ सम्ममा एक खर्बको काठ बिक्री गर्ने लक्ष्य राखेको छ
कृषि, वन तथा वातावरणमन्त्री गीताकुमारी चौधरीले आगामी आर्थिक वर्ष २०८३/८४ सम्ममा करिब एक खर्ब रुपैयाँ बराबरको काठ बिक्री गर्ने लक्ष्य रहेको बताएकी छन्। मन्त्री चौधरीका अनुसार वन क्षेत्रको उचित व्यवस्थापनमार्फत मुलुकलाई काठमा आत्मनिर्भर बनाउँदै निर्यात गर्ने योजना छ। हाल नेपालको कुल क्षेत्रफलको ४६.०८ प्रतिशत वनले ओगटेको छ र विभिन्न वनबाट वार्षिक करिब ३ करोड घनफिट काठ उत्पादन भइरहेको छ।
