अर्थ मन्त्रालयका सहसचिव अमृत लम्साल नेपाल बैंकको सञ्चालकमा नियुक्त

उद्योग, वाणिज्य तथा आपूर्तिमन्त्री गौरीकुमारी यादवले लामो समयदेखि बन्द रहेको हेटौँडा कपडा उद्योग पुनः सञ्चालनका लागि गृहकार्य भइरहेको बताएकी छन्। हेटौँडा औद्योगिक क्षेत्रको निरीक्षणका क्रममा उनले उद्योग सञ्चालनमा आए मुलुकको आर्थिक विकासमा टेवा पुग्ने र रोजगारीको वातावरण सिर्जना हुने विश्वास व्यक्त गरिन्। मन्त्री यादवले आगामी आर्थिक वर्षको बजेटमा रुग्ण कपडा उद्योग सञ्चालनका लागि बजेट विनियोजन गरिने प्रतिबद्धता जनाइन्।

सहकारी क्षेत्रमा वित्तीय अनियमितता, बचतकर्ताको रकम दुरुपयोग र कमजोर नियमनका कारण जनविश्वास गुमेको निष्कर्ष 'सहकारीमा भएको बेथिति जाँचबुझ आयोग, २०८२' को प्रतिवेदनले निकालेको छ। प्रतिवेदन सार्वजनिक गर्दै मन्त्री प्रतिभा रावलले सहकारी क्षेत्र सुधारका लागि नीतिगत, संस्थागत र व्यवहारगत सुधारलाई तीव्रता दिने प्रतिबद्धता जनाएकी छिन्।

अर्थमन्त्री डा. स्वर्णिम वाग्लेले संघीय संसद्मा आर्थिक वर्ष २०८२/८३ को आर्थिक सर्वेक्षण प्रस्तुत गर्दै चालू आर्थिक वर्षमा नेपालको अर्थतन्त्र ३.८५ प्रतिशतले विस्तार हुने अनुमान गरिएको बताएका छन्। विश्व अर्थतन्त्र ३.१ प्रतिशतमा खुम्चने प्रक्षेपण भइरहेका बेला नेपालको यो वृद्धिदरलाई सकारात्मक मानिएको छ। सर्वेक्षणअनुसार मुलुकको अर्थतन्त्रको कुल आकार ६६ खर्ब रुपैयाँ पुग्ने र नेपालीको प्रतिव्यक्ति कुल राष्ट्रिय आय १,५३५ अमेरिकी डलर पुग्ने प्रक्षेपण गरिएको छ।

जायोडिन बायोटेक उद्योगले चितवनको भरतपुरमा क्यान्सरको औषधिमा प्रयोग हुने कच्चा पदार्थ उत्पादन सुरु गरेको छ । उद्योगले प्रशोधित कच्चा पदार्थ भारत निर्यात गर्न थालेको छ । यसअघि नेपालमा आयात हुँदै आएको क्यान्सर औषधिको कच्चा पदार्थ स्वदेशमै उत्पादन गरी निर्यात गर्न थालिएको हो ।