Photo · www.dcnepal.com
मकवानपुरको कान्तिलोकपथ सडकखण्डअन्तर्गत मकवानपुरगढी–२ सिखरकटेरीमा बसले स्कुटरलाई ठक्कर दिँदा स्कुटर चालक दोर्जेरत्न योञ्जनको मृत्यु भएको छ। प्रहरीका अनुसार काठमाडौंबाट वीरगञ्जतर्फ आउँदै गरेको बसले विपरीत दिशाबाट आउँदै गरेको स्कुटरलाई ठक्कर दिएको थियो। दुर्घटनामा संलग्न बस र चालक शिवबहादुर चौलागाईंलाई प्रहरीले नियन्त्रणमा लिएको छ।
कालीगण्डकी नदीमा खसेर ६ वर्षीय बालक बेपत्ता, खोजी जारी
म्याग्दी र पर्वतको सिमाना भएर बग्ने कालीगण्डकी नदीमा खेल्ने क्रममा ६ वर्षीय बालक प्रियान्सु साहनी बेपत्ता भएका छन्। प्रहरीका अनुसार, उनी पानी भर्न जाने क्रममा नदीमा खसेका थिए। बेपत्ता बालकको खोजी कार्य जारी छ।
सेती नदीमा हाम फालेका भारतीय युवकको शव फेला
पोखराको सेती नदीको खोँचमा हाम फालेर बेपत्ता भएका भारतका मुकेश महतोको शव सशस्त्र प्रहरीले फेला पारेको छ। जेठ १० गते बेलुका नदीमा हाम फालेका महतोको शव बिहान करिब २५० फिट गहिरो खोँचबाट रोप रेस्क्यू विधि प्रयोग गरी निकालिएको हो। शवलाई पोस्टमार्टमका लागि पश्चिमाञ्चल क्षेत्रीय अस्पतालमा राखिएको छ।
सुर्खेतमा टिपरको ठक्करबाट पैदलयात्री कमल वलीको मृत्यु, चालक नियन्त्रणमा
सुर्खेतमा टिपरको ठक्करबाट घाइते भएका २३ वर्षीय पैदलयात्री कमल वलीको उपचारका क्रममा मृत्यु भएको छ। भेरीगंगा नगरपालिका-२, सुर्खेतका वलीलाई बुधबार राति टिपरले ठक्कर दिएको थियो। प्रहरीले टिपर चालक वीरेन्द्रनगर नगरपालिका-१०, सुर्खेतका ५२ वर्षीय मानबहादुर चौधरीलाई नियन्त्रणमा लिएर अनुसन्धान गरिरहेको छ।
सुर्खेतमा टिपरको ठक्करबाट पैदलयात्री कमल वलीको मृत्यु
सुर्खेतमा टिपरको ठक्करबाट घाइते भएका पैदलयात्री कमल वलीको उपचारका क्रममा मृत्यु भएको छ। भेरीगङ्गा नगरपालिका-२ सुर्खेतका २३ वर्षीय वलीलाई बुधबार राति टिपरले ठक्कर दिएको थियो। घटनापछि घाइतेका बुबाले उनलाई कर्णाली प्रदेश अस्पताल पुर्याएका थिए, जहाँ उपचारका क्रममा उनको मृत्यु भएको हो।
