Photo · www.news24nepal.com
नेपालमा बढ्दो बाँदर आतंक नियन्त्रणका लागि सांसदहरूले संसदमा कानून बनाउन माग गरेका छन्। तनहुँका एक किसानले डमी बाघ प्रयोग गरेर बाँदर नियन्त्रण गरेको अनुभव सांसद श्रीराम न्यौपानेले संसदमा सुनाएका छन्। यसैबीच, सांसद ध्रुवराज राईले बाँदर आतंकले कृषकहरू मारमा परेको भन्दै ठोस कदम चाल्न माग गरेका छन्।
सरकारले चालु आर्थिक वर्षमा ७,४६२ बालबालिकालाई संरक्षण र सेवा प्रदान गर्यो
सरकारले चालु आर्थिक वर्षको फागुनसम्ममा हिंसा तथा जोखिममा परेका ५८८ बालबालिकाको उद्धार गरी कुल ७,४६२ बालबालिकालाई राहत, संरक्षण र मनोपरामर्श जस्ता सेवा प्रदान गरेको छ। यस अवधिमा हराएका बालबालिकाहरूको खोजी गरी परिवारमा पुनर्मिलन गराउने कार्य पनि जारी छ।
आमाले खाडलमा गाडेपछि ३१ दिने शिशुको मृत्यु, प्रहरीद्वारा आमा पक्राउ
तनहुँको शुक्लागण्डकी नगरपालिकामा एक ३७ वर्षीया महिलाले आफ्नै ३१ दिने शिशुलाई जीवितै करेसाबारीमा खाडल खनी पुरेको घटनामा प्रहरीले आमा मैना थापालाई नियन्त्रणमा लिएको छ। शिशुलाई तत्काल अस्पताल पुर्याइए पनि चिकित्सकले मृत घोषणा गरेका थिए। प्रहरीका अनुसार आरोपित महिला लामो समयदेखि डिप्रेसनको औषधि सेवन गरिरहेकी थिइन्।
_mfRTh1LHoR.jpg)
सशस्त्र प्रहरी सुनसरीले १९औं स्थापना दिवस मनायो, विभिन्न कार्यक्रम गरियो
सशस्त्र प्रहरी बल नेपाल नम्बर ४ गण हेड क्वाटर सुनसरीले विविध सांस्कृतिक कार्यक्रमका साथ आफ्नो १९औं स्थापना दिवस भव्य रूपमा मनाएको छ। सशस्त्र प्रहरी बल नेपाल नम्बर १ बराह बाहिनीका बाहिनीपति सशस्त्र प्रहरी नायव महानिरीक्षक मनीष थापाको प्रमुख आतिथ्यतामा समारोह सम्पन्न भएको हो। कार्यक्रममा सशस्त्र प्रहरीको संगठनात्मक भूमिका, सुरक्षा व्यवस्थापन तथा समाजमा पुर्याएको योगदानबारे चर्चा गरिएको थियो।
बेलायतमा युवा बेरोजगारीले ‘मोहभङ्ग र दिशाहीनता’ को जोखिम बढेको प्रतिवेदन
बेलायतमा रोजगारी, शिक्षा र तालिमबाट बाहिर रहेका युवाको सङ्ख्या १० लाख नजिक पुगेको छ, जसले गर्दा युवाहरूमा ‘मोहभङ्ग र दिशाहीनता’ को जोखिम बढेको एक प्रतिवेदनले चेतावनी दिएको छ । यदि समस्या समाधानका लागि कुनै पहल नगरिएमा सन् २०३१ सम्ममा १६ देखि २४ वर्ष उमेर समूहका १२ लाख ५० हजार युवा यो समस्याबाट प्रभावित हुने प्रतिवेदनमा उल्लेख छ । लेबर पार्टीका पूर्व क्याबिनेट मन्त्री एलन मिलबर्नले यसलाई युवाको असफलता नभई विगतमा अड्किएको व्यवस्थाको असफलता भनेका छन् ।
