एनआईसी एशिया बैंकद्वारा धनुषाको विद्यालयलाई शैक्षिक सामग्री सहयोग

सरकारले विभिन्न आठ विश्वविद्यालयका उपकुलपति पदका लागि प्राप्त २१८ आवेदनमध्ये योग्य ठहरिएका उम्मेदवारहरूको दरखास्त स्वीकृत गरेको छ। 'विभिन्न विश्वविद्यालयको उपकुलपति छनोट तथा सिफारिससम्बन्धी एकीकृत कार्यविधि, २०८३' अनुसार सिफारिस समितिले जेठ १३ गतेको निर्णयअनुसार विश्वविद्यालयगत रूपमा योग्य उम्मेदवारहरूको दरखास्त स्वीकृत गरेको हो। यस प्रक्रियाबाट त्रिभुवन विश्वविद्यालय, पोखरा विश्वविद्यालय, पूर्वाञ्चल विश्वविद्यालय, लुम्बिनी बौद्ध विश्वविद्यालय, कृषि तथा वन विज्ञान विश्वविद्यालय, मध्यपश्चिम विश्वविद्यालय, सुदूरपश्चिम विश्वविद्यालय र राजर्षि जनक विश्वविद्यालयका लागि उपकुलपति छनोट गरिनेछ।

शिक्षा तथा खेलकुद मन्त्रालयले ‘प्राविधिक तथा व्यावसायिक तालिमसम्बन्धी संशोधन र एकीकरण गर्न बनेको विधेयक’माथि सुझाव मागेको छ। गुणस्तरीय प्राविधिक शिक्षा र सीप विकासको अवसरलाई पहुँचयोग्य बनाउँदै शिक्षा र तालिमलाई सीप, श्रम, रोजगारी, उत्पादन र समृद्धिसँग आबद्ध गर्ने उद्देश्यले यो विधेयक ल्याउन लागिएको हो। यस विधेयकले हाल कार्यान्वयनमा रहेको ‘प्राविधिक शिक्षा तथा व्यावसायिक तालिम परिषद् ऐन, २०४५’ लाई खारेज गर्ने प्रस्ताव गरेको छ।

कामना सेवा विकास बैंक लिमिटेडले संस्थागत सामाजिक उत्तरदायित्व अन्तर्गत रुपन्देहीको पशुपति माध्यमिक विद्यालयलाई तीन थान कुलर सहयोग गरेको छ। बैंकले गर्मी मौसममा विद्यार्थीको अध्ययन–अध्यापन सहज बनाउने उद्देश्यले यो सहयोग गरेको जनाएको छ।

चालु आर्थिक वर्षमा कुल गार्हस्थ उत्पादन (जीजीडीपी) मा शिक्षा क्षेत्रको योगदान नौ दशमलव २२ प्रतिशत रहने अनुमान गरिएको छ । गत वर्ष यो योगदान आठ दशमलव ८६ प्रतिशत थियो । अर्थमन्त्री डा. स्वर्णिम वाग्लेले सदनमा पेस गरेको आर्थिक सर्वेक्षण अनुसार, विद्यार्थी सङ्ख्यामा कमी र शिक्षा क्षेत्रमा खर्च कटौतीले यस वर्ष मूल्य अभिवृद्धि एक दशमलव ५० प्रतिशतले मात्र बढ्ने प्रक्षेपण छ ।