8 स्रोत · 9 समाचार

सुरु 23 घण्टा अघि · अपडेट 11 घण्टा अघि

मधेस प्रदेश सरकारद्वारा आगामी आर्थिक वर्षको नीति तथा कार्यक्रम सार्वजनिक

Photo · taksarnews.com

मधेस प्रदेश सरकारले आगामी आर्थिक वर्ष २०८३/८४ का लागि कृषि, रोजगारी, स्वास्थ्य, शिक्षा, सुशासन र डिजिटल सेवामा केन्द्रित नीति तथा कार्यक्रम सार्वजनिक गरेको छ। प्रदेश प्रमुख सुरेन्द्र लाभ कर्णले प्रदेश सभामा प्रस्तुत गरेको यस नीति तथा कार्यक्रमले खाद्य सुरक्षा, प्रादेशिक अर्थतन्त्र सबलीकरण, उत्पादन वृद्धि र स्थानीय उद्यम प्रवद्र्धनलाई प्राथमिकता दिएको छ। 'मेड इन मधेस, समृद्ध प्रदेश' र 'उत्पादनशील मधेस, आत्मनिर्भर देश' जस्ता नारासहित यसलाई अघि बढाइने जनाइएको छ।

• खाद्य संकट निवारण र आयात प्रतिस्थापनलाई ध्यानमा राखी प्रमुख रैथाने बाली तथा धान, गहुँ, मकै, तेलहन र दलहनको प्रवद्र्धन गरिनेछ।
• मखान खेतीको उत्पादकत्व वृद्धि र अन्तर्राष्ट्रिय बजार पहुँच सुनिश्चित गर्न व्यावसायिक खेती, प्रशोधन, प्याकेजिङ, लेबलिङ र ब्रान्डिङ योजना अघि सारिएको छ।
• साना तथा सीमान्तकृत मखान किसानहरूलाई सिधै बैंक खातामा सहुलियत रकम उपलब्ध गराइनेछ भने स्थानीय सहकारी तथा निजी क्षेत्रसँगको साझेदारीमा प्रशोधन र ब्रान्डिङ प्लान्ट स्थापना गरिनेछ।
• कृषि कार्यमा प्रयोग हुने विद्युत महसुलमा शतप्रतिशतसम्म अनुदान दिने व्यवस्था मिलाई सिँचाइ पूर्वाधार निर्माणलाई गति दिइनेछ।
• रोजगारी सिर्जनालाई प्राथमिकता दिँदै कम्तीमा एक हजार जनालाई रोजगारी दिने उद्योगीलाई ‘रोजगारदाता सम्मान’ प्रदान गरिनेछ।