सांसदहरूले च्याटजीपीटी प्रयोग गरेको आलोचनापछि रास्वपा सचेतकको मेसेज- एआईमा निर्भर नहुनू

राष्ट्रिय स्वतन्त्र पार्टी (रास्वपा) ले आफ्ना सांसदहरूलाई च्याटजीपीटीजस्ता आर्टिफिसियल इन्टेलिजेन्स (एआई) टुलमा मात्रै निर्भर नहुन सचेत गराएको छ । सचेतक क्रान्ति शिखा धितालले एआईको सहारामा मात्रै सदन र समितिका बैठकमा नबोल्न सांसदहरूलाई सचेत गराएकी हुन् । सामाजिक सञ्जालमा सांसदहरूले च्याटजीपीटीले तयार पारेको विवरणका आधारमा बोल्ने गरेको भन्दै आलोचना भइरहेको छ ।