मुस्ताङबाट झण्डै ६ सय कार्टुन ‘भेप’ बरामद

ghatanarabichar.com · 1 हप्ता अघि

नेपाल–चीन उत्तर कोरला नाकास्थित लोमान्थाङ-१ छोसेर न्हेचुङमा रहेको मुस्ताङ भन्सार कार्यालयले शनिबार ५९२ कार्टुन विद्युतीय चुरोट (भेप) बराबद गरेको छ । कोरलानाकाबाट शङ्कास्पद रूपमा लुकाइछिपाइकन भन्सार छलेर ल्याइँदै गरेका दुई वटा ‘कन्टेनर’को खानतलासी गर्दा उक्त परिमाणमा विद्युतीय चुरोट (भेप) फेला परेको हो । सार्वजनिक बिदाको दिन भन्सारका कर्मचारी तिजी पर्व हेर्न गएको मौका छोपी उक्त दुई वटा कन्टेनर भन्सार छलेर लोमान्थाङतर्फ आउँदै गरेको अवस्थामा नियन्त्रणमा लिइएको थियो ।