मोबाइल व्यवसायीमा उत्साह नदेखिनु चिन्ताको विषय : भीष्मराज आङ्देम्बे

नेपाली कांग्रेसका संसदीय दलका नेता भीष्मराज आङ्देम्बेले मोबाइल प्रविधि आधुनिक जीवनको अपरिहार्य हिस्सा भएको बताएका छन्। नेपाल मोबाइल व्यवसायी महासंघको पाँचौं वार्षिक साधारण सभा तथा तेस्रो महाधिवेशनलाई सम्बोधन गर्दै उनले मोबाइल व्यवसायसँग आबद्ध व्यवसायीहरूको अनुहारमा अपेक्षित उत्साह नदेखिएको भन्दै चिन्ता व्यक्त गरे। उनले मोबाइल व्यवसायलाई दिगो र व्यवस्थित बनाउन आवश्यक नीति तथा वातावरण निर्माण गर्नुपर्नेमा जोड दिए।