परराष्ट्रमन्त्री खनाल र साउदी अरेबियाका विदेशमन्त्रीबीच टेलिफोन वार्ता

baahrakhari.com · 1 हप्ता अघि

परराष्ट्रमन्त्री शिशिर खनाल र साउदी अरेबियाका विदेशमन्त्री राजकुमार फैसल बिन फरहान अल साउदबीच टेलिफोन वार्ता भएको छ। वार्तामा साउदी विदेशमन्त्रीले खनाललाई बधाई दिँदै सहकार्य गर्ने प्रतिबद्धता व्यक्त गरे। परराष्ट्रमन्त्री खनालले द्वन्द्वका बीच नेपाली नागरिकको सुरक्षा सुनिश्चित गरेकोमा साउदी सरकारलाई आभार व्यक्त गर्दै ऐक्यबद्धता दोहोर्‍याए। दुई देशले कूटनीतिक सम्बन्ध स्थापनाको स्वर्ण जयन्ती मनाउने तयारी गरिरहेका बेला व्यापार, लगानी र पारस्परिक हितका क्षेत्रमा सहकार्य बढाउने उपायबारे पनि छलफल भएको छ।