साउदी अरेबिया

संयुक्त राष्ट्र संघीय महासभाले हरितगृह ग्यास उत्सर्जन घटाएर विश्वव्यापी जलवायु प्रणालीको संरक्षणमा सदस्य राष्ट्रको दायित्व सुनिश्चित गर्ने प्रस्ताव पारित गरेको छ। यस प्रस्तावले अन्तर्राष्ट्रिय न्यायालयले तोकेका दायित्वहरूको पालना गर्न आह्वान गरेको छ। प्रस्तावको पक्षमा १४१ मत परेको थियो भने आठ देश विपक्षमा उभिएका थिए, जसमा अमेरिका, रुस, इरान र साउदी अरेबियालगायत राष्ट्रहरू थिए।

अमेरिकी राष्ट्रपति डोनाल्ड ट्रम्पले खाडी राष्ट्रहरूको अनुरोधमा इरानमाथिको सैन्य आक्रमण तत्कालका लागि स्थगित गरेको बताएका छन्। कतार, साउदी अरेबिया र संयुक्त अरब इमिरेट्स (युएई) का नेताहरूले वार्ताका लागि केही दिनको समय मागेकाले तत्काललाई इरानविरुद्ध आक्रमण रोकिएको दाबी उनले गरेका छन्। यद्यपि, यदि स्वीकार्य सम्झौता हुन नसकेको खण्डमा जुनसुकै समयमा पनि ठूलो स्तरको सैन्य कारबाहीका लागि तयारी अवस्थामा रहन पेन्टागनलाई निर्देशन दिइएको छ।

परराष्ट्रमन्त्री शिशिर खनाल र साउदी अरेबियाका विदेशमन्त्री राजकुमार फैसल बिन फरहान अल साउदबीच बुधबार टेलिफोन वार्ता भएको छ । वार्तामा साउदी विदेशमन्त्रीले खनाललाई बधाई दिँदै सहकार्य गर्ने प्रतिबद्धता जनाएका थिए भने मन्त्री खनालले नेपाली नागरिकको सुरक्षा सुनिश्चित गरेकोमा साउदी सरकारलाई आभार व्यक्त गरेका थिए । दुई देशले आगामी वर्ष कूटनीतिक सम्बन्ध स्थापनाको स्वर्ण जयन्ती मनाउने तयारी गरिरहेका बेला व्यापार, लगानी र पारस्परिक हितका क्षेत्रमा सहकार्य बढाउने उपायबारे पनि छलफल भएको छ ।