सहकारीमा भएको बेथिति जाँचबुझ आयोगको प्रतिवेदन सार्वजनिक

सहकारी क्षेत्रमा देखिएको वित्तीय अनियमितता, बचतकर्ताको रकम दुरुपयोग तथा कमजोर नियमनका कारण जनविश्वास कमजोर बन्दै गएको निष्कर्षसहितको जाँचबुझ आयोगको प्रतिवेदन सार्वजनिक भएको छ। प्रतिवेदनले दर्ता, कार्यक्षेत्र विस्तार र स्वीकृति प्रक्रियामा कमजोरी औंल्याउँदै सञ्चालक तथा व्यवस्थापकहरूले रकम हिनामिना गरेको उल्लेख गरेको छ। मन्त्री प्रतिभा रावलले सहकारी सुधारका लागि नीतिगत, संस्थागत र व्यवहारगत सुधारका प्रयासलाई तीव्रता दिने प्रतिबद्धता जनाएकी छिन्।