हर्क साम्पाङको ‘प्लेकार्ड’ र रास्वपाको ‘नीलो स्कार्फ’ अमर्यादितः कांग्रेस सचेतक निश्कल राई

नेपाली कांग्रेसले संसद्‌मा प्रधानमन्त्री बालेन शाहको उपस्थिति सुनिश्चित गराउनका लागि सभामुखसँग रुलिङको माग गरेको छ । कांग्रेस सचेतक निश्कल राईले सत्तापक्षलाई सङ्ख्याको दम्भ नदेखाउन चेतावनी दिँदै प्रमुख प्रतिपक्ष दलले सरकारलाई संसद् र जनताप्रति जिम्मेवार बनाउन प्रयास गरिरहेको बताए । उनले श्रम संस्कृति पार्टीका अध्यक्ष हर्क साम्पाङले प्रधानमन्त्रीको खोजी गर्दै संसद्‌मा प्लेकार्ड प्रदर्शन गरेको र राष्ट्रिय स्वतन्त्र पार्टीले विगतमा नीलो स्कार्फ बाँधेर संसदको गरिमा विपरीत काम गरेको सन्दर्भलाई जोड्दै सभामुखको भूमिकामाथि प्रश्न उठाए ।