दोदा र बाहुन खोलामा आकस्मिक बाढी, २० महिला सकुशल उद्धार

newsofnepal.com · 5 घण्टा अघि

कञ्चनपुरको पुनर्वास नगर क्षेत्रमा आएको आकस्मिक बाढीमा फसेका २० जनालाई सशस्त्र प्रहरी बलले समयमै उद्धार गरेको छ। लगातारको वर्षापछि दोदा नदी र बाहुन खोलामा पानीको बहाव ह्वात्तै बढ्दा नजिकैका क्षेत्रमा गएका स्थानीयवासी जोखिममा परेका थिए। पुनर्वास नगरपालिका–९ स्थित सिताबस्ती क्षेत्रको दोदा नदी पार गरेर जङ्गलमा निउरो संकलन गर्न गएका पाँच महिला नदीमा पानीको सतह अचानक बढेपछि फर्किन नसक्ने अवस्थामा पुगेका थिए।