‘नोभा ब्रान्ड’को आइसक्रिम मानव उपभोगका लागि अयोग्य, बजारबाट फिर्ता गर्न सरकारको निर्देशन

सरकारले पोखरा औद्योगिक क्षेत्रमा उत्पादित 'नोभा' ब्रान्डको आइसक्रिम मानव उपभोगका लागि अयोग्य ठहर गर्दै बजारबाट तत्काल फिर्ता गर्न निर्देशन दिएको छ। खाद्य प्रविधि तथा गुण नियन्त्रण विभागले प्रयोगशाला परीक्षणमा हानिकारक जीवाणु भेटिएपछि उक्त उत्पादनको बिक्री वितरणमा रोक लगाएको हो। विभागले उक्त ब्याचका सम्पूर्ण उत्पादन बजारबाट फिर्ता गर्न र बिक्री वितरण नगर्न आदेश जारी गरेको छ।