आर्थिक रुपान्तरणको मुख्य आधार ऊर्जा र सिँचाइलाई बजेटमा उच्च प्राथमिकता

सरकारले आगामी आर्थिक वर्षको बजेटमा ऊर्जा क्षेत्रलाई आर्थिक रूपान्तरणको मुख्य आधारका रूपमा प्राथमिकता दिएको छ। बजेटमा संरचनात्मक सुधार, पूर्वाधार विस्तार, निजी क्षेत्रको सहभागिता र हरित ऊर्जामा आधारित औद्योगिकीकरणलाई जोड दिइएको छ। यसैगरी, सिँचाइ तथा नदी नियन्त्रण क्षेत्रमा पनि ठूलो लगानी विस्तार गरिनेछ, जसअन्तर्गत थप १५ हजार ८०० हेक्टर खेतीयोग्य जमिनमा सिँचाइ सुविधा विस्तार गर्ने लक्ष्य छ।