१७ इन्टरनेट सेवा प्रदायकलाई प्राधिकरणको चेतावनी- १५ दिनभित्र स्पष्टीकरण नदिए लाइसेन्स खारेज

नेपाल दूरसञ्चार प्राधिकरणले नियमअनुसार बक्यौता रकम नबुझाउने र लामो समयदेखि सम्पर्कविहीन रहेका १७ वटा इन्टरनेट सेवा प्रदायक कम्पनीहरूमाथि कारबाही गर्ने भएको छ । प्राधिकरणले १५ दिनभित्र लिखित सफाइ पेस गर्न अन्तिम स्पष्टीकरण सोधेको छ । सफाइ पेस नगरेमा अनुमतिपत्र खारेजीको प्रक्रिया अगाडि बढाइने सूचनामा उल्लेख छ ।