राप्ती नदीमा कृत्रिम घटना अभ्यास

बाँकेमा बिहीबार बिहान बाढी तथा डुबानसम्बन्धी कृत्रिम घटनाको पूर्वतयारी अभ्यास गरिएको छ । जिल्लाको डुडुवा गाउँपालिका वडा ५ सिधनियाघाटस्थित राप्ती नदीमा उक्त अभ्यास गरिएको हो । जिल्ला विपद् व्यवस्थापन समिति बाँकेको आयोजनामा भएको अभ्यासको उद्देश्य सरोकारवालाहरुको सहभागिता र समन्वय अभिवृद्धि गर्नु, उपलब्ध जनशक्ति र स्रोतसाधनको प्रभावकारिता पूर्वआकलन गर्नु तथा विपद्बाट जनधनको क्षति हुन नदिनु रहेको छ ।