शिव अङ्कित पहाडले तान्दै पर्यटक

अर्घाखाँची र कपिलवस्तुको सिमानामा रहेको पहाड प्राकृतिक सौन्दर्य, धार्मिक आस्था र सामाजिक सञ्जालको प्रभावले आन्तरिक पर्यटनको आकर्षक गन्तव्य बनेको छ। महेन्द्र राजमार्ग अन्तर्गत पर्ने यो स्थानमा चट्टानी बनावट, हरियाली परिवेश र माथिबाट देखिने मनोरम दृश्यले पर्यटकलाई आकर्षित गरेको छ। स्थानीयवासीको सक्रियतामा यहाँ भगवान् शिवको चित्र कोर्ने, नागको मूर्ति स्थापना गर्ने तथा विभिन्न शिवलिङ्ग राख्ने कार्यले यसको धार्मिक महत्त्व पनि बढाएको छ।