अमेरिकामाथि नेपालको ९ विकेटको शानदार जित

नेपाली राष्ट्रिय क्रिकेट टोलीले आईसीसी विश्वकप लिग–२ अन्तर्गत त्रिकोणात्मक शृंखलाको दोस्रो खेलमा संयुक्त राज्य अमेरिका (यूएसए) माथि ९ विकेटको शानदार जित दर्ता गरेको छ । त्रिवि क्रिकेट मैदानमा अमेरिकाले दिएको १९६ रनको लक्ष्य नेपालले कुशल भुर्तेलको १२० रन र आशिफ शेखको ५८ रनको मद्दतले खेल सकिन १३ ओभर बाँकी छँदै १ विकेटको क्षतिमा सहजै पार गर्‍यो । कुशल भुर्तेलले ११८ बलमा १२० रनको अविजित इनिङ खेल्दै आफ्नो करियरको दोस्रो ओडीआई शतक पूरा गरे ।