Photo · www.osnepal.com
राष्ट्रिय स्वतन्त्र पार्टी (रास्वपा) को प्रवास नेपाली सम्पर्क विभाग, मलेसियाले जुन १ मा आफ्नो दोस्रो ऐतिहासिक अधिवेशन आयोजना गर्ने भएको छ। क्वालालम्पुरस्थित नेटफार प्रेस्टो क्याफेमा हुने यस अधिवेशनको तयारी अन्तिम चरणमा पुगेको छ। यसको उद्देश्य मलेसियामा रास्वपा प्रवास संगठनलाई सशक्त, व्यवस्थित र प्रभावकारी बनाउनु रहेको छ।
सरकारले विदेशमा रहेका नेपालीका लागि ‘मोफा मित्र’ एप सञ्चालनमा ल्यायो
सरकारले विदेशमा रहेका नेपाली नागरिकलाई कन्सुलर सेवा सहज बनाउन ‘मोफा मित्र’ नामक मोबाइल एप सञ्चालनमा ल्याएको छ। परराष्ट्रमन्त्री शिशिर खनालले एपको शुभारम्भ गर्दै यसले विदेशमा अप्ठ्यारोमा परेका नेपालीलाई सरकारी सेवामा सहज पहुँच उपलब्ध गराउने बताएका छन्। एपमार्फत अनलाइन निवेदन दर्ता, गुनासो राख्न र सम्बन्धित नियोगसँग समन्वय गर्न सकिनेछ।
नेपाली ब्यान्ड नेपथ्य मलेसियामा पहिलोपटक सांगीतिक प्रस्तुति दिँदै
नेपाली लोक रक ब्यान्ड नेपथ्यले रोजगारीका लागि मलेसिया पुगेका नेपाली श्रोतामाझ पहिलोपटक सांगीतिक प्रस्तुति दिन लागेको छ। यसअघि क्यानाडा र न्युजिल्यान्ड भ्रमण सकेर फर्किएको ब्यान्डले जुन १ (जेठ १८) मा क्वालालम्पुरको ‘जेप क्वालालम्पुर’मा कन्सर्ट गर्नेछ। मुख्य गायक अमृत गुरुङले मलेसियाबाट सामाजिक सञ्जालमार्फत जोडिएका दर्शकलाई भेट्न आतुर रहेको बताएका छन्।
नेपाली सेफहरूको विश्वव्यापी पहिचान विस्तार गर्दै अन्तरास्ट्रिय सेफ सोसाइटी
नेपाली मौलिक खान संस्कृति, पाककला तथा पर्यटन प्रवद्र्धनलाई अन्तर्राष्ट्रिय स्तरसम्म पुर्याउने उद्देश्यसहित नेपाली सेफ सोसाइटी (एनसिएस) गण्डकी प्रदेशको नयाँ कार्यसमिति सर्वसम्मत रूपमा गठन गरिएको छ। अन्तरास्ट्रिय सेफ सोसाइटीका केन्द्रीय अध्यक्ष अरुण अधिकारीले नेपाली भान्छे, कुक तथा सेफहरूको विश्व बजारमा छुट्टै पहिचान स्थापित भइसकेको र उनीहरूको माग निरन्तर बढिरहेको बताए।
विदेश पठाइदिने भन्दै करोडौँ ठगी गर्ने सात जना पक्राउ
नेपाल प्रहरीले वैदेशिक रोजगारीमा विभिन्न देश पठाइदिने भन्दै सर्वसाधारणबाट करोडौँ रकम ठगी गरेको अभियोगमा सात जनालाई पक्राउ गरेको छ। पक्राउ परेकामध्ये अमितकुमार र राहुलकुमारले क्यानडा पठाउने भन्दै रु एक करोड ५७ लाखभन्दा बढी ठगी गरेको अभियोग छ। पीडितहरूको उजुरीका आधारमा उनीहरूलाई पक्राउ गरिएको उपत्यका अपराध अनुसन्धान कार्यालयले जनाएको छ।
