गोपाल सिग्देल

जापानको सहयोगमा बिपी राजमार्गको काभ्रेपलाञ्चोकको पिप्लेदेखि बर्खेखोला सडकखण्डको स्थायी पुनर्निर्माण कार्य सुरु भएको छ। नेपालका लागि जापानी राजदूत माएदा तोरु र पूर्वाधार विकास मन्त्रालयका सचिव गोपालप्रसाद सिग्देलले संयुक्त रूपमा परियोजनाको शिलान्यास गरेका हुन्। जापान अन्तर्राष्ट्रिय सहयोग नियोग (जाइका)को आर्थिक तथा प्राविधिक सहयोगमा ३.२ किलोमिटर सडकखण्डको पुनर्निर्माण सुरु भएको छ।

बीपी राजमार्गको काभ्रे–सिन्धुली खण्डमा बाढीले क्षति पुर्याएको ३.२ किलोमिटर सडक जापान अन्तर्राष्ट्रिय सहयोग नियोग (जाइका)को २ अर्ब ६० करोड रुपैयाँ अनुदानमा दुई लेनमा पुनर्निर्माण गरिने भएको छ। यस सडक खण्डको शिलान्यास पूर्वाधार विकास मन्त्रालयका सचिव गोपाल सिग्देल र नेपालका लागि जापानका राजदूत मायदा तोरुले संयुक्त रूपमा गरेका छन्।

सरकारले आर्थिक गतिविधि विस्तार हुने सम्भावना भएका सहर तथा बस्ती केन्द्रमा एकीकृत सहरी पूर्वाधार निर्माणलाई आगामी आर्थिक वर्ष २०८३/८४ का कार्यक्रममा प्राथमिकता दिने भएको छ। भौतिक पूर्वाधार तथा सहरी विकास मन्त्रालयका सचिव गोपालप्रसाद सिग्देलका अनुसार स्थानीय तहका सडक, झोलुङ्गेपुल, वैकल्पिक सहायक राजमार्ग विकास, सडक सुरक्षा र मर्मतसम्भारलाई आगामी वर्षका प्रमुख प्राथमिकतामा राखिएको छ। यसका लागि विभिन्न कार्यक्रममार्फत ठूलो बजेट विनियोजन गरिने योजना छ।