बिपी राजमार्ग

जापानको सहयोगमा बिपी राजमार्गको काभ्रेपलाञ्चोकको पिप्लेदेखि बर्खेखोला सडकखण्डको स्थायी पुनर्निर्माण कार्य सुरु भएको छ। नेपालका लागि जापानी राजदूत माएदा तोरु र पूर्वाधार विकास मन्त्रालयका सचिव गोपालप्रसाद सिग्देलले संयुक्त रूपमा परियोजनाको शिलान्यास गरेका हुन्। जापान अन्तर्राष्ट्रिय सहयोग नियोग (जाइका)को आर्थिक तथा प्राविधिक सहयोगमा ३.२ किलोमिटर सडकखण्डको पुनर्निर्माण सुरु भएको छ।

प्रतिनिधिसभाको बैठकमा सांसदहरूले पछिल्लो समयमा देशका विभिन्न जिल्लामा आएको भीषण पानी, हावाहुरी र पहिरोका कारण प्रभावित नागरिकलाई उचित क्षतिपूर्ति र राहतको व्यवस्था गर्न सरकारको ध्यानाकर्षण गराएका छन्। सांसदहरूले विपद् जोखिम व्यवस्थापनमा सरकार गम्भीर हुनुपर्ने र प्रभावित क्षेत्रमा तत्काल राहत पुर्‍याउनुपर्नेमा जोड दिएका छन्।