जिल्ला प्रहरी कार्यालय महोत्तरी

महोत्तरी जिल्लाको जलेश्वर नगरपालिका–१२ थरुवाही गाउँबाट विद्यालय हिँडेका १२ वर्षीय गौतम यादव सात दिनदेखि बेपत्ता भएका छन् । जेठ ७ गते एड्भान्स लर्नर्स हिमालयन अङ्ग्रेजी बोर्डिङ स्कुल गएका गौतम घर नफर्केपछि परिवारले अपहरण वा बेचिएको आशंकामा जिल्ला प्रहरी कार्यालय महोत्तरीमा निवेदन दर्ता गराएका छन् ।

महोत्तरीको बर्दिबास-सिन्धुली सडकखण्डमा स्थानीयले बस्ती खाली नगराउने प्रतिबद्धतापछि करिब १० घण्टा अवरोध गरेपछि सडक खुलेको छ। जिल्ला प्रशासन कार्यालय महोत्तरी र डिभिजन वन कार्यालयले बस्ती हटाउने योजना नरहेको लिखित प्रतिबद्धता जनाएपछि स्थानीयले अवरोध हटाएका हुन्। यसअघि वन क्षेत्रमा रहेको बस्ती खाली गराउन सूचना जारी गर्न पुगेका वन कार्यालयका कर्मचारीलाई स्थानीयले नियन्त्रणमा लिएर गाडीमा आगजनी गरेका थिए।

महोत्तरी जिल्लामा डुबेर चार जना बालिकाको मृत्यु भएको छ। मनरासिस्वा नगरपालिका–७ सरपल्लो गाउँको नदीमा तीन बालिका र गौशाला नगरपालिका–४ रजखोर गाउँमा एक बालिकाको डुबेर मृत्यु भएको जिल्ला प्रहरी कार्यालयले जनाएको छ। मृतक बालिकाको शव परीक्षणका लागि प्रादेशिक अस्पताल जलेश्वरमा पठाइएको छ।