डिभिजन वन कार्यालय लमही

महोत्तरीमा अव्यवस्थित बसोबास खाली गराउन सूचना दिन गएको डिभिजन वन कार्यालय महोत्तरीको गाडी स्थानीयले जलाएका छन्। सोमबार दिउँसो वन कार्यालयको टोली बर्दिबास नगरपालिका–३ मा सूचना दिन पुगेको थियो। त्यसपछि स्थानीयले राति बीपी राजमार्ग अवरुद्ध गरी प्रदर्शन गरेका थिए र प्रहरीसहितको टोलीलाई घेरा हालेर गाडीमा आगजनी गरेका थिए।

महोत्तरीको बर्दिबास-सिन्धुली सडकखण्डमा स्थानीयले बस्ती खाली नगराउने प्रतिबद्धतापछि करिब १० घण्टा अवरोध गरेपछि सडक खुलेको छ। जिल्ला प्रशासन कार्यालय महोत्तरी र डिभिजन वन कार्यालयले बस्ती हटाउने योजना नरहेको लिखित प्रतिबद्धता जनाएपछि स्थानीयले अवरोध हटाएका हुन्। यसअघि वन क्षेत्रमा रहेको बस्ती खाली गराउन सूचना जारी गर्न पुगेका वन कार्यालयका कर्मचारीलाई स्थानीयले नियन्त्रणमा लिएर गाडीमा आगजनी गरेका थिए।

रौतहट जिल्लामा बाघको गणना कार्य जारी रहेको छ। डिभिजन वन कार्यालय रौतहटका प्रमुख हेमन्तप्रसाद साहले बाघ संरक्षण र मानव-बाघ द्वन्द्व न्यूनीकरणका लागि सबै तहबाट प्रयास आवश्यक रहेको बताएका छन्। उनले बाघको सङ्ख्या यकीन भएपछि थप जानकारी दिइने बताए।

झापामा संरक्षित वन्यजन्तुहरू मानव बस्तीमा पस्ने क्रम बढेसँगै उद्धार र उपचारमा स्रोत, साधन र दक्ष जनशक्तिको अभाव देखिएको छ। यसका कारण पछिल्लो दुई महिनामा एक चितुवा र एक गौरी गाईको मृत्यु भएको छ। वन्यजन्तु सङ्कटमा पर्दा समयमै उद्धार नहुँदा स्थानीयस्तरमा गुनासो बढेको छ।

झापाको मेचीनगर नगरपालिका–६ मा अर्ना भैँसीजस्तो देखिने एक जंगली जनावर घाइते अवस्थामा फेला परेको छ । स्थानीयवासीले सडक छेउमा जनावर देखेपछि प्रहरीलाई खबर गरेका थिए । प्रहरीका अनुसार उक्त जनावरले हालसम्म कुनै मानवीय वा चौपायालाई क्षति पुर्‍याएको छैन र शरीरमा बाहिरी चोटपटक पनि देखिएको छैन । घटनाबारे डिभिजन वन कार्यालय झापालाई जानकारी गराइएको छ ।