जोमसोम

मुस्ताङ जिल्लाका पाँचमध्ये चार स्थानीय तहका उच्च लेकमा औषधीय गुण भएको बहुमूल्य जडीबुटी यार्सागुम्बा सङ्कलन सुरु भएको छ । राष्ट्रिय प्रकृति संरक्षण कोष, अन्नपूर्ण संरक्षण क्षेत्र आयोजना (एक्याप) जोमसोम र लोमान्थाङको कार्यक्षेत्रमा पर्ने उच्च लेकहरूमा धमाधम यार्सा सङ्कलन भइरहेको छ ।

मुस्ताङमा अन्नपूर्ण संरक्षण क्षेत्र आयोजना (एक्याप), इलाका संरक्षण कार्यालय जोमसोमले पहिलोपटक एआई ड्रोन प्रविधि प्रयोग गरी वन गस्ती सुरु गरेको छ। यो प्रविधि कठिन भूगोल र कम मानव वस्ती भएका स्थानमा वन अनुगमन, संरक्षित वन तथा वनपैदावारको संरक्षण, वन्यजन्तुको चोरी शिकारी नियन्त्रण र यार्सागुम्बा संकलन सिजनमा हुने अवाञ्छित गतिविधि रोक्नका लागि प्रयोग गरिएको हो।