तोयम राया

संघीय संसदको सार्वजनिक लेखा समितिमा सांसदहरूले महालेखा परीक्षक कार्यालयको प्रतिवेदनमाथि प्रश्न उठाउँदै अडिट प्रणालीको प्रभावकारितामा शंका व्यक्त गरेका छन्। सांसद गणेश पराजुलीले ठूला परियोजनामा हुने अनियमितता अडिटले पत्ता लगाउन नसकेको भन्दै पोखरा र गौतमबुद्ध विमानस्थलको उदाहरण प्रस्तुत गरे। उहाँले भ्रष्टाचार नियन्त्रणमा अडिट प्रणालीको भूमिकामाथि प्रश्नचिह्न खडा गर्नुभयो।

महालेखा परीक्षक तोयम रायाले १५ देखि १६ वटा स्थानीय तहले आर्थिक वर्ष २०७५/७६ देखि नै लेखापरीक्षण नगराएको बताएका छन्। शुक्रबार सार्वजनिक लेखा समितिमा बोल्दै उनले यसले पारदर्शिता र सुशासनमाथि प्रश्न उठाएको उल्लेख गरे। रायाका अनुसार ती स्थानीय तहहरूको लेखापरीक्षण नभएकाले महालेखाको प्रतिवेदनमा 'अडिट नै नभएको अवस्था'का रूपमा उल्लेख गरिएको छ।