नीति अनुसन्धान प्रतिष्ठान

सांसदहरू र विज्ञहरूले जनस्वास्थ्यको सुरक्षा तथा सुर्तीजन्य पदार्थको सेवन नियन्त्रणका लागि यसमा लाग्ने करको दर बढाउन सरकारलाई आग्रह गरेका छन्। नेपाल विकास अनुसन्धान प्रतिष्ठानले आयोजना गरेको कार्यक्रममा उनीहरूले विश्व स्वास्थ्य संगठनको सिफारिसअनुसार कर बढाउनुपर्नेमा जोड दिए। हाल नेपालमा सुर्तीजन्य पदार्थमा ४१ प्रतिशत कर लाग्ने गरेको छ, जुन विश्व स्वास्थ्य संगठनले सिफारिस गरेको ७५ प्रतिशतभन्दा कम हो।

शिक्षा तथा खेलकुदमन्त्री सस्मित पोखरेलले सरकार चुनावी वाचापत्र अनुसार काम गरिरहेको दाबी गरेका छन्। काठमाडौँ क्षेत्र नम्बर ५ मा आयोजित सार्वजनिक सुनुवाइ कार्यक्रममा बोल्दै उनले सरकारले पहिलो महिना, सय दिन र एक वर्षभित्र पूरा गर्ने काम क्रमशः अघि बढाएको बताए। मन्त्री पोखरेलले सामुदायिक विद्यालयमा स्रोत वितरणलाई वैज्ञानिक बनाउन २७ हजार विद्यालयको अध्ययन सुरु गरिएको र विश्वविद्यालयमा राजनीतिकरण अन्त्य गरी उपकुलपति नियुक्ति प्रक्रिया खुला प्रतिस्पर्धामा आधारित बनाइएको जानकारी दिए।

नेपाली काँग्रेसले आफ्नो नीति तथा अनुसन्धान प्रतिष्ठानमार्फत सातै प्रदेशमा आयोजना गरिरहेको 'प्रदेश र स्थानीय तह केन्द्रित प्रदेश स्तरीय भेला' अन्तर्गत मधेश प्रदेशको बर्दिबासमा आज र भोलि भेला गर्दैछ । यस भेलामा पार्टीका सभापति गगन थापा, उपसभापति विश्वप्रकाश शर्मा र महामन्त्री प्रदीप पौडेल लगायतका शीर्ष नेताहरूले सम्बोधन गर्नेछन् । भेला आगामी राजनीतिक कार्यदिशा, निर्वाचन समीक्षा र सुशासनका सवालमा केन्द्रित रहनेछ ।