नेपाल वायुसेवा निगम

सरकारले सार्वजनिक गरेको 'सार्वजनिक संस्थानको वार्षिक स्थिति समीक्षा प्रतिवेदन, २०८३' अनुसार नेपालका ४५ सार्वजनिक संस्थानमध्ये २७ वटा नाफामा र १६ वटा घाटामा सञ्चालित छन्। दुई संस्थान बन्द अवस्थामा छन्। प्रतिवेदनले केही संस्थानले राम्रो नाफा कमाए पनि धेरै संस्थान कमजोर व्यवस्थापन, वित्तीय अनुशासनहीनता र संरचनात्मक सङ्कटबाट गुज्रिरहेको औँल्याएको छ।

नेपालका लागि कोरियाली राजदूत तायोङ पार्कले सभामुख डोलप्रसाद अर्यालसँग शिष्टाचार भेटवार्ता गरेका छन्। भेटमा नेपाल-कोरिया द्विपक्षीय सम्बन्ध, लगानी, प्रविधि, श्रम तथा संसदीय साझेदारीका विविध विषयमा गहन छलफल भएको छ। राजदूत पार्कले नेपाललाई कोरियाले प्रमुख विकास साझेदारका रूपमा प्राथमिकतामा राखेको र शिक्षा, स्वास्थ्य, कृषि, आर्थिक विकास र रोजगारीका क्षेत्रमा सहकार्य जारी रहने प्रतिबद्धता व्यक्त गरे।

चीनको ग्वाङ्झाउमा आयोजित अन्तर्राष्ट्रिय पर्यटन मेलामा नेपाललाई ‘मोस्ट चार्मिङ टुरिज्म डेस्टिनेसन’ अर्थात् ‘सबैभन्दा आकर्षक पर्यटकीय गन्तव्य’को सम्मान प्रदान गरिएको छ । नेपालको प्राकृतिक सौन्दर्य, आध्यात्मिकता, सांस्कृतिक विविधता र साहसिक पर्यटनको आकर्षणका आधारमा यो सम्मान दिइएको नेपाल पर्यटन बोर्डले जनाएको छ । यसले चीनको पर्यटन बजारमा नेपालको प्रवर्द्धनमा सहयोग पुग्ने विश्वास गरिएको छ ।

पूर्वअर्थमन्त्री डा. प्रकाशशरण महतले आगामी आर्थिक वर्षको बजेट निर्माणका क्रममा सामाजिक सुरक्षा भत्ता प्रणालीलाई लक्षित र वास्तविक लाभग्राहीमा सीमित गर्नुपर्ने सुझाव दिएका छन्। अर्थमन्त्री डा. स्वर्णिम वाग्लेको आह्वानमा आयोजित छलफलमा महतले आर्थिक रूपमा सक्षम व्यक्तिहरूले समेत भत्ता प्राप्त गर्ने वर्तमान अभ्यासले राज्यको वित्तीय बोझ बढाएको बताए। उनले सार्वजनिक संस्थानहरूको सञ्चालन प्रभावकारितामाथि पनि प्रश्न उठाउँदै केही संरचनालाई निजीकरण वा वैकल्पिक व्यवस्थापन मोडेलमार्फत पुनर्गठन गर्न सकिने धारणा राखे।

१५औं कर्मचारी खेलकुद प्रतियोगिताअन्तर्गत टेबलटेनिसमा एभरेष्ट बैंक लिमिटेड र नेपाल वायु सेवा निगमले समान दुई-दुई स्वर्ण पदक जितेका छन्। पाँच स्पर्धा समावेश रहेको टेबलटेनिसमा बाँकी एक स्वर्ण नेपाल नागरिक उड्डयन प्राधिकरणले जित्यो। प्रतियोगितामा कुल ३९ खेलाडी सहभागी थिए।