नेपाल प्रहरीको साइबर ब्युरो

जनकपुरधामको जानकी मन्दिरका उत्तराधिकारी छोटे महन्त रामरोशन दास वैष्णवले नेपाल प्रहरीको साइबर ब्यूरोमाथि प्रश्न उठाएका छन्। उनले करिब सात महिनाअघि २०८२ साल कार्तिक ९ गते साइबर ब्यूरोमा उजुरी दर्ता गराए पनि हालसम्म कुनै कारबाही नभएको गुनासो गरेका छन्। फेक फेसबुक प्रोफाइलबाट मन्दिर र आफ्नो चरित्रबारे बदनाम गर्ने सामग्री पोस्ट भइरहेको उनको भनाइ छ।

नेपाल प्रहरीको साइबर ब्युरोले पोडकास्ट कार्यक्रममा अश्लील शब्द प्रयोग गरेको भन्दै कमेडियन उत्सव सापकोटा, विशाल गौतम र सजन श्रेष्ठलाई बोलाएर सचेत गराएको छ। उनीहरूले भविष्यमा त्यस्ता शब्द प्रयोग नगर्ने प्रतिबद्धतासहित लिखित माफी मागेपछि प्रहरीले छाडेको हो।

फिफा विश्वकप २०२६ नजिकिँदै गर्दा नेपाल प्रहरीको साइबर ब्युरोले मालवेयर प्रयोग गरी डेटा चोरी र मोबाइल बैंकिङ ह्याक गरी आर्थिक ठगी गर्ने गिरोह सक्रिय रहेको भन्दै प्रयोगकर्ताहरूलाई सचेत गराएको छ। ब्युरोका अनुसार स्क्यामरहरूले निःशुल्क विश्वकप हेर्न सकिने भन्दै शंकास्पद एप डाउनलोड गराएर प्रयोगकर्ताको मोबाइलमा अनधिकृत पहुँच प्राप्त गर्ने र बैंकिङ एप ह्याक गर्ने गरेका छन्।

नेपाल प्रहरीको साइबर ब्युरोले सामाजिक सञ्जालसम्बन्धी उजुरी प्रक्रियामा प्रहरीबाट अश्लील व्यवहार भएको भनी अमिशा पराजुलीले लगाएको आरोप अस्वीकार गरेको छ। ब्युरोका अनुसार पराजुलीकी आमाले प्रहरी कर्मचारीबाट कुनै अशोभनीय अभिव्यक्ति नदिएको स्पष्ट पार्दै छोरीको अभिव्यक्तिले संगठनको छवि प्रभावित भएको भन्दै लिखित रूपमा माफी मागेकी छन्।