फिफा विश्वकप २०२६

फिफा विश्वकप २०२६ का लागि इंग्ल्यान्ड र कोलम्बियाले आ-आफ्नो टोली घोषणा गरेका छन्। इंग्ल्यान्डले ह्यारी केनको कप्तानीमा टोली घोषणा गर्दा कोलम्बियाले लुइस डियाज र जेम्स रोड्रिगेजलाई समेटेको छ। विश्वकप अमेरिका, क्यानडा र मेक्सिकोमा जुन ११ देखि जुलाई १९ सम्म सञ्चालन हुनेछ।

विश्व फुटबलका महान खेलाडीमध्ये एक लियोनेल मेस्सी फेरि एकपटक विश्वकप जित्ने यात्रामा छन्। सन् २०२२ मा फिफा विश्वकप जितेर आफ्नो जीवनकै सबैभन्दा ठूलो सपना पूरा गरेका मेस्सी अहिले फेरि अर्को विश्वकपको तयारीमा जुटिरहेका छन्। अर्जेन्टिनाले आगामी विश्वकपका लागि आफ्नो टोली सार्वजनिक गरेसँगै विश्व फुटबलमा नयाँ उत्साह थपिएको छ।

जापान, जसलाई ‘सामुराई ब्लु’ टोली पनि भनिन्छ, फिफा विश्वकप २०२६ को २३औँ संस्करणमा सम्भावना बोकेको राष्ट्रमध्ये एक हो । पछिल्लो समय ‘जायन्ट किलर’को रूपमा उदाएको यो टोलीले सन् २०२२ को विश्वकपमा जर्मनी र स्पेनजस्ता बलिया टोलीलाई समूह चरणमा पराजित गरेको थियो । यसपटक पनि जापानले अन्तिम–१६ को चरणमा पुग्ने चुनौतीलाई पार लगाउने प्रयास गर्नेछ ।

ब्राजिलका सुपर स्टार नेयमर तीन वर्षको अनुपस्थितिपछि प्रशिक्षक कार्लो एन्सेलोट्टीले घोषणा गरेको विश्वकप टोलीमा फर्किएका छन्। यसैबीच, आगामी २०२६ को फिफा विश्वकपमा प्रयोग हुने आधिकारिक फुटबललाई खेल सुरु हुनुअघि मोबाइलजस्तै चार्ज गर्नुपर्ने भएको छ।

स्पेनले २०२६ फिफा विश्वकपका लागि २६ सदस्यीय टोली घोषणा गरेको छ, जसमा बार्सिलोनाका ८ खेलाडीले स्थान पाएका छन्। यो पहिलो पटक हो कि रियल म्याड्रिडका कुनै पनि खेलाडीले विश्वकप खेल्ने टोलीमा स्थान पाएनन्। प्रशिक्षक डी ला फुइन्तेले टोली सन् २०१० को सफलता दोहोर्याउन सक्षम रहेको बताएका छन्।

नेपालको डिजिटल प्लेटफर्म डिजिओले दक्षिण एसियाली फुटबल महासङ्घ (साफ) महिला च्याम्पियनसिप नेपालका लागि आधिकारिक डिजिटल प्रसारण साझेदारीको घोषणा गरेको छ । यस सम्झौताअनुसार, जेठ ११ देखि २२ गतेसम्म भारतमा आयोजना हुने प्रतियोगिता नेपालमा डिजिओमा डिजिटल रूपमा उपलब्ध हुनेछ । डिजिओले यसअघि फिफा विश्वकप २०२६ को पनि नेपालका लागि डिजिटल प्रसारण अधिकार प्राप्त गरेको थियो ।

ब्राजिलले फिफा विश्वकप २०२६ का लागि २६ सदस्यीय टोली घोषणा गरेको छ, जसमा अनुभवी फरवार्ड नेयमारलाई पनि समावेश गरिएको छ। मुख्य प्रशिक्षक कार्लो एन्सेलोटीले रियो दि जेनेरियोमा आयोजित कार्यक्रममा टोली सार्वजनिक गरेका हुन्। लामो समयदेखि चोटसँग संघर्ष गरिरहेका नेयमारले २०२३ यता ब्राजिलका लागि खेलेका छैनन्।

उज्बेकिस्तानले सन् २०२६ को फिफा विश्वकपमा स्थान सुरक्षित गर्दै मध्यएसियाली फुटबलमा नयाँ युगको सूत्रपात गरेको छ। सन् १९७९ को विमान दुर्घटनापछि दशकौँसम्म विश्वकप छनोटमा संघर्षरत रहेको उज्बेकिस्तानले यसपटक पूर्वविश्वकप विजेता फबियो कानाभारोको प्रशिक्षणमा सफलता हात पारेको हो। कानाभारोले टोलीमा रक्षात्मक रणनीति र अनुशासनमा जोड दिएका छन्।

एप्पल स्पोर्ट्सले फिफा विश्वकप २०२६ को तयारीमा १७० भन्दा बढी देश र क्षेत्रहरूमा आफ्नो एप्लिकेसनको उपलब्धता विस्तार गरेको छ। यस विस्तारले ९० भन्दा बढी नयाँ बजारहरू थपेको छ र प्रत्यक्ष खेलकुद स्कोर, तथ्याङ्क, र खेल जानकारी प्रदान गर्ने नि:शुल्क आईफोन एप्लिकेसनमा विश्वकप-केन्द्रित सुविधाहरू समावेश गरेको छ।

फिफा विश्वकप २०२६ को लागि इंग्ल्यान्डको २६ सदस्यीय टोली घोषणा गरिएको छ। मुख्य प्रशिक्षक थोमस टुसेलले अमेरिका, क्यानडा र मेक्सिकोमा हुने प्रतियोगिताका लागि खेलाडी छनोट गरेका हुन्। टोलीमा मार्कस रासफोर्ड, इभान टोनी र डान बर्न जस्ता खेलाडीहरू समावेश छन् भने कोल पाल्मर, फिल फोडेन, ह्यारी मग्वायर र ट्रेन्ट अलेक्जेन्डर आर्नोल्डजस्ता खेलाडीहरूलाई समेटिएको छैन।