सुमनराज अर्याल

सरकारले आगामी आर्थिक वर्षको बजेटमार्फत सरकारी कर्मचारीको तलब वृद्धि गर्ने भएको छ। अर्थमन्त्री डा. स्वर्णिम वाग्लेले बजेट भाषणका क्रममा तलब वृद्धिको घोषणा गर्ने अर्थमन्त्रालय स्रोतले जानकारी दिएको छ। तीन वर्षदेखि तलब नबढेको र महँगी बढेको कारण कर्मचारीलाई दैनिक खर्च चलाउनसमेत कठिन भएको महसुस अर्थमन्त्रीले गरेको बताइएको छ।

तीन वर्षदेखि स्थिर रहेको सरकारी कर्मचारीको तलब आगामी आर्थिक वर्षमा बढाउन ‘तलब भत्ता पुनरावलोकन समिति’ले सरकारलाई सिफारिस गरेको छ। समितिको सिफारिस अनुसार कार्यालय सहयोगीको तलब करिब २७ प्रतिशतले बढेर ३५ हजार रुपैयाँ र मुख्यसचिवको तलब ५६.७१ प्रतिशतले बढेर १ लाख २१ हजार रुपैयाँ पुग्नेछ।

मुख्यसचिव सुमनराज अर्यालको अध्यक्षतामा गठित 'कर्मचारी तलब भत्ता पुनरावलोकन समिति' ले आगामी आर्थिक वर्षदेखि सरकारी कर्मचारीहरूको तलब अधिकतम ५७ प्रतिशतसम्म वृद्धि गर्न सरकारलाई सिफारिस गरेको छ। बढ्दो महँगीलाई आधार बनाउँदै समितिले निजामती सेवाको सर्वोच्च पद (मुख्यसचिव) को तलब ५६.७१ प्रतिशत र तल्लो तहका कार्यालय सहयोगीहरूको तलब २७ प्रतिशतले वृद्धि गर्न सुझाव दिएको छ। यस सिफारिसलाई आगामी जेठ १५ गते सार्वजनिक हुने बजेटमा सरकारले कसरी सम्बोधन गर्छ भन्ने विषयमा चासो छ।