Photo · ehimalayatimes.com
नेपाली सेनाले विगतका अनुभवका आधारमा यस वर्षको मनसुनका लागि पूर्वतयारी तथा प्रतिकार्य योजना कार्यान्वयनमा ल्याएको छ। यस योजनाअन्तर्गत विपद्को समयमा तत्काल परिचालन हुन सक्नेगरी फौज, उद्धार टोली, हेलिकप्टर र बेलिब्रिज तयारी अवस्थामा राखिएको छ। सेनाले सङ्घीय, प्रदेश र स्थानीय सरकारका निकाय, अन्य सुरक्षा निकाय, गैरसरकारी संस्था तथा स्थानीय समुदायसँग सहकार्य र समन्वयलाई प्राथमिकता दिएको छ।
नवलपरासीमा मोटरसाइकल दुर्घटनामा सेनाका जवानको मृत्यु, तीन घाइते
नवलपरासीको देवचुली नगरपालिकामा दुई मोटरसाइकल एकापसमा ठोक्किँदा नेपाली सेनाका जवान दिनेश गिरीको मृत्यु भएको छ । दुर्घटनामा तीन जना घाइते भएका छन् । प्रहरी उपरीक्षक युवराज खड्काका अनुसार, दुर्घटनामा परेका गिरीलाई पछाडिबाट आएको ट्रकले ठक्कर दिएको थियो ।
पाँचथरको च्याङथापूमा पहिरो: २६ घर उच्च जोखिममा, ७० घर प्रभावित
पाँचथरको याङवरक गाउँपालिका–१ च्याङथापूका विभिन्न स्थानमा बेमौसमी वर्षापछि गएको पहिरोका कारण २६ घर उच्च जोखिममा परेका छन् भने करिब ७० घर पहिरोको जोखिममा छन्। पहिरोले तीन घर बगाएको छ र अन्य घरहरू जोखिमपूर्ण अवस्थामा रहेका छन्। यस विपत्तिका कारण पशुचौपाया बगाउनुका साथै खेतीयोग्य जमिन र अलैँची बगानमा पनि क्षति पुगेको छ।
सर्लाहीमा सर्प दंशबाट बालकको मृत्यु, चिकित्सकमाथि लापरबाहीको आरोप
सर्लाहीको कौडेना गाउँपालिकामा सर्पले टोकेर घाइते भएका एक बालकको उपचारका क्रममा मृत्यु भएको छ। बालकको मृत्युपछि आफन्तजनले चिकित्सकको लापरबाहीले मृत्यु भएको भन्दै अस्पतालमा विरोध प्रदर्शन गरेका छन्। स्थिति नियन्त्रणमा लिन प्रहरी खटिएको थियो।
कर्णाली करिडोरको हुम्ला खण्डमा सुक्खा पहिरोले सडक अवरुद्ध, यातायात ठप्प
कर्णाली करिडोरको हुम्ला खण्डअन्तर्गत सर्केगार्ड गाउँपालिका–१ को खच्चामा सुक्खा पहिरो खस्दा सडक अवरुद्ध भएको छ। बुधबार माथिबाट आएको पहिरोले सडक पुरिएपछि यातायात सेवा बन्द भएको हो। प्रहरीका अनुसार पहिरो पन्छाउन ठूला उपकरणको खोजी भइरहेको छ।
