Photo · baahrakhari.com
संखुवासभाको मकालु गाउँपालिका–५ मा पहिरोले भेडीगोठ पुरिँदा २१८ भेडा बेपत्ता भएका छन्। शनिबार बिहान खसेको पहिरोले स्थानीय दलबहादुर गुरुङको भेडीगोठ बगाउँदा उक्त घटना भएको जिल्ला प्रहरी कार्यालयका डीएसपी कुमारप्रसाद मैनालीले जानकारी दिए। पहिरोमा परेर भेडा गोठालाका रूपमा काम गर्दै आएका २० वर्षीय झलक गुरुङ घाइते भएका छन्।
रौतहटमा बसको ठक्करबाट मोटरसाइकल चालकको मृत्यु
महेन्द्र राजमार्गअन्तर्गत रौतहटको चन्द्रनिगाहपुरमा यात्रुवाहक बसले विपरीत दिशाबाट आउँदै गरेको मोटरसाइकललाई ठक्कर दिँदा मोटरसाइकल चालक शेख गुलामको घटनास्थलमै मृत्यु भएको छ। प्रहरीले बस चालक लक्ष्मीभक्त ओझालाई नियन्त्रणमा लिएको छ।
सुकुम्बासी बस्ती हटाएसँगै काठमाडौंमा नदीजन्य विपद्का घटनामा कमी आउने अपेक्षा
काठमाडौं महानगरपालिकाले नदी किनारका सुकुम्बासी बस्ती हटाएसँगै यस वर्ष नदीजन्य विपद्का घटनामा कमी आउने अपेक्षा गरेको छ। नगर प्रहरी वरिष्ठ उपरीक्षक विष्णुप्रसाद जोशीका अनुसार विगतका वर्षमा बाढीजन्य घटना बढी हुने स्थानमा बसोबास हटाइएपछि यस वर्ष छिटफुट घटनाबाहेक कमी आउने विश्वास छ। सामाखुसीदेखि खाडीपाखासम्म भने सावधानी अपनाउनुपर्ने छ।
भोजपुरमा विपद् उद्धार अभ्यास ‘अभ्यास मनसुन–छ’ सञ्चालन गरिने
भोजपुरमा मनसुनजन्य प्रकोप तथा अन्य विपद्बाट हुने धनजनको क्षति न्यूनीकरण गर्ने उद्देश्यले नेपाली सेनाको नयाँ श्रीनाथ गणको आयोजनामा ‘अभ्यास मनसुन–छ’ सञ्चालन गरिने भएको छ । यो अभ्यास भोजपुर नगरपालिका–५, बोखिम तथा सदरमुकामको टुँडिखेल क्षेत्रमा नेपाल प्रहरी, सशस्त्र प्रहरी बल नेपाल र अन्य सरोकारवाला निकायहरूको समन्वयमा गरिनेछ । अभ्यासमा पहिरो, आगलागी, भूकम्प तथा सडक दुर्घटनाजस्ता विपद् अवस्थाहरूमा उद्धार, खोज तथा व्यवस्थापनका प्रक्रियाहरू अभ्यास गरिनेछन् ।
कजाकिस्तानमा विमान दुर्घटना हुँदा एक चालक दलका सदस्यको मृत्यु, अर्का घाइते
कजाकिस्तानको उत्तर-पूर्वी पाभ्लोडार क्षेत्रमा पर्ने झेलेजिन्का गाउँ नजिक बुधबार हवाई कृषि-रसायन छर्कने कार्यमा प्रयोग भइरहेको एक विमान नियमित उडानको क्रममा दुर्घटनाग्रस्त भएको छ। प्रारम्भिक जानकारीअनुसार, दुई जना चालक दलका सदस्यसहित उडिरहेको विमान अचानक विद्युत् प्रसारण लाइनमा ठोक्किएपछि दुर्घटना भएको हो। उक्त दुर्घटनामा एक जना चालक दलका सदस्यको घटनास्थलमै मृत्यु भएको छ भने अर्का सदस्य गम्भीर घाइते भएका छन्।
