4 स्रोत · 5 समाचार

सुरु 1 हप्ता अघि · अपडेट 4 दिन अघि

मोहनविक्रम सिंहलाई गण्डकी साहित्य सङ्गमद्वारा ‘गोकुल वाङ्मय पुरस्कार’ प्रदान गरिने

Photo · gorkhapatraonline.com

साहित्यकार एवं चिन्तक मोहनविक्रम सिंहलाई गण्डकी साहित्य सङ्गमले २०८२ सालको ‘गोकुल वाङ्मय पुरस्कार’ प्रदान गर्ने निर्णय गरेको छ । यो पुरस्कार यही जेठ ९ गते पोखरामा ९७औँ गोकुल जयन्तीका अवसरमा आयोजित समारोहमा प्रदान गरिनेछ । पुरस्कारको राशि ४० हजार रुपैयाँ रहेको छ ।

• पुरस्कार छनोट समितिको सिफारिसमा सिंहलाई सर्वसम्मत रूपमा पुरस्कृत गर्न लागिएको हो ।
• विसं १९९२ मा प्युठानको ओखरबोटमा जन्मिएका सिंहका कविता, काव्य, समालोचना र आख्यानका गरी एक दर्जन कृति प्रकाशित छन् ।
• समाजवादी यथार्थवाद धारामा साधना गर्ने स्रष्टालाई प्रोत्साहन गर्न २०५२ सालदेखि यो पुरस्कार प्रदान गर्न थालिएको हो ।
• यसअघि केवलपुरे किसान, खगेन्द्र सङ्ग्रौला, रमेश विकल, मोदनाथ प्रश्रित लगायतका स्रष्टाहरूले यो पुरस्कार प्राप्त गरिसकेका छन् ।