Photo · www.nepalviews.com
दक्षिणाम्नाय शृङ्गेरी शारदा पीठका पीठाधीश्वर जगद्गुरु शङ्कराचार्य श्री विधुशेखर भारती महास्वामीले 'धार्मिक विजय यात्रा नेपाल–२०२६' को क्रममा काठमाडौंको चन्द्रागिरि डाँडामा अवस्थित भालेश्वर महादेव मन्दिरमा पूजाअर्चना गरेका छन्। चन्द्रागिरि हिल्सका पदाधिकारीहरूले स्वागत गरेका शङ्कराचार्यले यस क्षेत्रको प्राकृतिक सुन्दरता र वातावरणको प्रशंसा गर्दै अलौकिक अनुभूति भएको बताए।
www.onlinepana.com
clickmandu.com
जगद्गुरु शंकराचार्य विधुशेखर भारतीले चन्द्रागिरि भालेश्वर महादेवको दर्शन गरे
दक्षिणाम्नाय शृङ्गेरी शारदा पीठका पीठाधीश्वर जगद्गुरु शंकराचार्य श्री श्री विधुशेखर भारती महास्वामीजीले “धार्मिक विजय यात्रा नेपाल–२०२६” को अवसरमा चन्द्रागिरिस्थित भालेश्वर महादेव मन्दिरमा दर्शन तथा पूजा–अर्चना गरेका छन्। चन्द्रागिरि हिल्सका अध्यक्ष हेमराज ढकाल र सञ्चालक समितिका पदाधिकारीहरूले उनलाई स्वागत गरेका थिए।
जगद्गुरु शंकराचार्यले प्रहरी प्रधान कार्यालयमा भजन विमोचन गरे, वृक्षारोपण गरे
जगद्गुरु शंकराचार्य श्री श्री विधुशेखर भारतीले नेपाल प्रहरी प्रधान कार्यालयको अवलोकन भ्रमण गरी प्रहरी कर्मचारीहरूलाई आशीर्वचन प्रदान गरेका छन्। भ्रमणका क्रममा उनले प्रहरी परिसरमा ‘कल्पवृक्ष’ रोपण गरे र प्रहरी महानिरीक्षक दान बहादुर कार्कीको शब्द रचनामा तयार पारिएको “शिव शम्भू” भजनको विमोचन गरे।
खप्तडमा गंगा दशहरा मेला: चार जिल्लाको संगमस्थलमा धार्मिक उल्लास
सुदूरपश्चिमका चार जिल्ला बाजुरा, बझाङ, डोटी र अछामको संगमस्थल खप्तड राष्ट्रिय निकुञ्जमा गंगा दशहराको अवसरमा धार्मिक मेला लागेको छ । यो मेलाले देश विदेशका भक्तजनलाई आकर्षित गरिरहेको छ । त्रिवेणी धाममा स्नान, पूजाआजा र धार्मिक अनुष्ठानमा सहभागी हुन हजारौँ श्रद्धालुहरूको सहभागिता रहने अपेक्षा गरिएको छ ।
मलमासको अवसरमा गेरुका धाममा एकमहिने स्नान मेला सुरु
महोत्तरीको लोहारपट्टी नगरपालिका–४ स्थित खुट्टा पिपरारी क्षेत्रमा प्रत्येक तीन वर्षमा एकपटक पर्ने मलमास (पुरुषोत्तम मास) को अवसरमा एक महिने गेरुका स्नान मेला सुरु भएको छ । आइतबारदेखि सुरु भएको यस मेलामा हजारौं श्रद्धालु भक्तजनले पवित्र स्नान, पूजाआराधना र दर्शन गरिरहेका छन् । धार्मिक ग्रन्थ तथा जनविश्वास अनुसार यस नदीमा स्नान गरे पापबाट मुक्ति मिल्ने र मनोकामना पूरा हुने विश्वास छ ।
