जगद्गुरु शङ्कराचार्यद्वारा चन्द्रागिरिस्थित भालेश्वर महादेवको दर्शन र पूजा–अर्चना

दक्षिणाम्नाय शृङ्गेरी शारदा पीठका पीठाधीश्वर जगद्गुरु शङ्कराचार्य श्री श्री विधुशेखर भारती महास्वामीले आफ्नो "धार्मिक विजय यात्रा नेपाल–२०२६" को सिलसिलामा चन्द्रागिरि डाँडामा अवस्थित ऐतिहासिक भालेश्वर महादेव मन्दिरको दर्शन तथा पूजा–अर्चना गरेका छन्। चन्द्रागिरि हिल्सका अध्यक्ष हेमराज ढकाल लगायतले स्वागत गरेको भ्रमण टोलीले मन्दिर परिसरमा अलौकिक अनुभूति भएको र चन्द्रागिरिको वातावरणीय, सांस्कृतिक र प्राकृतिक सुन्दरताको प्रशंसा गरेको थियो।