पश्चिम नवलपरासीमा सशस्त्र प्रहरीद्वारा १४ लाखको अवैध खरबुजाको बियाँ बरामद

प्रहरीले वैदेशिक रोजगारीमा विभिन्न देश पठाइदिने प्रलोभन देखाएर रकम ठगी गरेको अभियोगमा ६ जनालाई पक्राउ गरेको छ। पक्राउ परेका व्यक्तिहरूले क्यानडा, न्यूजिल्याण्ड, युके, अमेरिका, युएई र सर्बिया जस्ता देशहरूमा आकर्षक तलबको आश्वासन दिँदै पीडितहरूबाट लाखौं रुपैयाँ असुलेर सम्पर्कविहीन भएको उजुरीका आधारमा उनीहरूलाई पक्राउ गरिएको हो।

केन्द्रीय अनुसन्धान ब्युरो (सिआइबी)ले दुग्ध विकास संस्थान (डिडिसी)को लैनचौरस्थित केन्द्रीय कार्यालयमा छापा मारेको छ। डिडिसीसँग सम्बन्धित केही सूचनाका आधारमा प्रहरी टोलीले कार्यालयमा पुगेर केही कागजात नियन्त्रणमा लिएको सिआइबीका प्रवक्ता शिवकुमार श्रेष्ठले पुष्टि गरेका छन्। अनुसन्धान जारी रहेको र थप विवरण खुलाइएको छैन।

सर्वोच्च अदालतले नेपालमा चलिरहेका मुद्दामा विदेशबाट अनलाइनमार्फत बयान र वकपत्र गराउन सकिने आदेश जारी गरेको छ। न्यायाधीशद्वय हरि फुयाल र बालकृष्ण ढकालको संयुक्त इजलासले सूचना प्रविधिको प्रयोगलाई सहज बनाउँदै न्याय सम्पादनको सुगमताका लागि यो निर्णय गरेको हो। यसअघि विशेष अदालतले भ्रष्टाचार मुद्दामा विदेशबाट अनलाइन बयान दिन नसकिने राय दिएको थियो, जसविरुद्ध सर्वोच्चमा पुनरावेदन परेको थियो।

किर्ते नागरिकता मुद्दामा पक्राउ अनुमति जारी भएपछि फरार रहेका वीरगन्ज महानगरपालिकाका नगरप्रमुख राजेशमान सिंहको खोजी कार्यलाई जिल्ला प्रहरी कार्यालय पर्साले तीव्र पारेको छ। सिंहलाई नियन्त्रणमा लिन प्रहरीले विशेष टोली परिचालन गरेको छ। पर्सा जिल्ला अदालतले लिखतसम्बन्धी कसुरमा सिंहसहित चार जनाको नाममा पक्राउ अनुमति जारी गरेको थियो।