Photo · shilapatra.com
प्युठानको माण्डवी गाउँपालिका–१ डाम्रीखोला नजिकै देवीस्थान–दाङ सडकखण्डमा शुक्रबार दिउँसो लु.प्र. ०२००१ ज ०१०४ नम्बरको मारुती भ्यान सडकबाट करिब २०० मिटर तल खस्दा दुई जनाको घटनास्थलमै मृत्यु भएको छ । जिल्ला प्रहरी कार्यालय प्युठानका सूचना अधिकारी प्रहरी निरीक्षक हरि भट्टराईका अनुसार मृतकको पहिचान दिलीप परियार र अभिषेक कुँवरको रूपमा खुलेको छ ।
सशस्त्र प्रहरीद्वारा कञ्चनपुरमा बाढीमा फसेका २० जनाको उद्धार
सशस्त्र प्रहरी बल नेपालको टोलीले कञ्चनपुरको पुनर्वासमा दोदा नदी र बाहुन खोलामा आएको बाढीमा फसेका २० जना व्यक्तिको सकुशल उद्धार गरेको छ। उद्धार गरिएकाहरूमा निउरो टिप्न र दाउराघाँस गर्न गएका महिलाहरू रहेका छन्। मनसुन सुरु भएसँगै तराईका नदीहरूमा बाढी आउन सक्ने खतरालाई मध्यनजर गर्दै सशस्त्र प्रहरीले सतर्क रहन आह्वान गरेको छ।
नुवाकोटमा सवारी दुर्घटनामा एक जनाको मृत्यु, दुई घाइते
नुवाकोटको छहरे–टोखा सडकखण्डअन्तर्गत शिवपुरी गाउँपालिका–६ गुर्जेभञ्ज्याङ नजिकै बिहीबार साँझ भएको सवारी दुर्घटनामा एक जनाको मृत्यु भएको छ। दुर्घटनामा गम्भीर घाइते भएका दुई जनाको काठमाडौँस्थित ग्राण्डी अस्पतालमा उपचार भइरहेको छ।
कपिलवस्तुमा यात्रुवाहक बस दुर्घटना हुँदा ३८ जना घाइते
कपिलवस्तुको महाराजगञ्ज नगरपालिका–४ बरइपुरस्थित तौलिहवा–बहादुरगञ्ज हुलाकी सडकखण्डमा काठमाडौंबाट सुर्खेत जाँदै गरेको कर्णाली प्रदेश ०२–००१ ख १२६६ नम्बरको बस अनियन्त्रित भई दुर्घटना हुँदा ३८ जना यात्रु घाइते भएका छन्। घाइतेमध्ये दुई जनाको अवस्था गम्भीर छ भने १९ जनाको मध्यम र १७ जनाको अवस्था सामान्य रहेको प्रहरीले जनाएको छ।
पोखरामा जमिन भासियो, घर र सडकमा क्षति
पोखरा महानगरपालिकाको नदीपुर क्षेत्रमा शुक्रबार बिहान जमिन भासिएको छ। यस घटनामा सडक, घरको आँगन र घरको भाग भासिएको छ। जमिन भासिँदा खानेपानी वितरणका लागि बिछ्याइएको पाइपसमेत फुटेको छ।
