Photo · www.canadanepal.com
नेपाल क्रिकेट संघ (क्यान) ले भारतको उत्तराखण्डमा मे २२ देखि जुन २ सम्म सञ्चालन हुने ४२औँ अल इन्डिया गोल्ड कप क्रिकेट प्रतियोगितामा सहभागी हुने नेपाल ‘ए’ टोलीको घोषणा गरेको छ। अनिल साहको कप्तानीमा १५ सदस्यीय टोली भारत भ्रमणमा जानेछ।
रविन्द्र ढाँट ‘रोड टु युएफसी’ सिजन ५ को सेमिफाइनलमा प्रवेश
नेपाली एमएमए फाइटर रविन्द्र ढाँटले चीनको मकाउमा जारी ‘रोड टु युएफसी’ सिजन ५ को ब्यान्टमवेट विधाको क्वाटरफाइनलमा फिलिपिन्सका किम्बर्ट अलिन्टोजोनलाई पराजित गर्दै सेमिफाइनलमा प्रवेश गरेका छन्। यस जितसँगै उनी ‘रोड टु युएफसी’ मा सेमिफाइनल पुग्ने पहिलो नेपाली खेलाडी बनेका छन्।
.jpg)
नेपाल ‘ए’ ले गल्फ टिम स्पर्धामा स्वर्ण जित्यो, सद्भाव आचार्य व्यक्तिगत स्पर्धामा अगाडि
१२औं नेपाल अन्तर्राष्ट्रिय एमेच्योर गल्फ च्याम्पियनसिपको टिम स्पर्धामा नेपाल ‘ए’ ले स्वर्ण पदक जितेको छ। गोकर्ण गल्फ क्लबमा भएको प्रतियोगितामा सद्भाव आचार्य र राहुल विश्वकर्माको जोडीले भारतीय जोडीलाई हराउँदै स्वर्ण जितेको हो। व्यक्तिगत स्पर्धामा पनि नेपालका सद्भाव आचार्यले अग्रता कायम राखेका छन्।
एसियन गेम्स छनोट खेल्न सिंगापुर जाने नेपाली क्रिकेट टोलीको बिदाइ
नेपाली राष्ट्रिय क्रिकेट टोली एसियन गेम्स क्रिकेट छनोट प्रतियोगिता खेल्नका लागि बिहीबार सिंगापुर प्रस्थान गरेको छ। नेपाल क्रिकेट संघ (क्यान) ले आयोजना गरेको बिदाइ कार्यक्रममा कप्तान दीपेन्द्रसिंह ऐरीले टोलीको तयारी राम्रो रहेको र सिंगापुरमा सकारात्मक नतिजा ल्याउने विश्वास व्यक्त गरे। प्रतियोगिताको सेमिफाइनलमा पुग्ने टोली एसियन गेम्स पुरुष क्रिकेटका लागि छनोट हुनेछन्।
काभा महिला भलिबल: इरानसँग पराजित भएसँगै नेपाल फाइनल पुग्न असफल
काठमाडौंमा जारी काभा महिला भलिबल च्याम्पियनसिपको सेमिफाइनलमा नेपाल साबिक विजेता इरानसँग ३-० को सोझो सेटमा पराजित भएको छ। यस हारसँगै नेपाल प्रतियोगिताको फाइनलमा पुग्न असफल भएको छ र अब तेस्रो स्थानका लागि भारतसँग प्रतिस्पर्धा गर्नेछ।
