पूर्व न्यायाधीश बलराम केसीको गर्जन: “राष्ट्रिय मानव अधिकार आयोगको प्रतिवेदन खोटपूर्ण र पूर्वाग्रही, रवि लामिछानेलाई मात्र किन लक्षित ?”

सर्वोच्च अदालतका पूर्व न्यायाधीश बलराम केसीले राष्ट्रिय मानव अधिकार आयोगको प्रतिवेदनलाई ‘बदनियतपूर्ण’ भन्दै यसले आयोगकै इतिहासमा आफ्नो साख र प्रतिष्ठा पूरै गुमाएको दाबी गरेका छन् । उनका अनुसार यो प्रतिवेदन रवि लामिछाने, बालेन शाह र भीम उपाध्याय जस्ता नयाँ तथा फरक धारका व्यक्तिहरूलाई सिध्याउने ठूलो राजनीतिक षडयन्त्र हो । केसीले रवि लामिछानेलाई सजाय दिलाउनका लागि पुरानो मिति (ब्याक डेट) को कानुन बनाएर भए पनि कारबाही गर्न आदेश दिइने खेल भइरहेको आरोप लगाएका छन् ।