अमेरिकी ट्याङ्कर रोक्न इरानले चलायो गोली

रणनीतिक रूपमा महत्त्वपूर्ण मानिने हर्मुज स्ट्रेटमा इरानी नौसेनाले एक अमेरिकी तेल ट्याङ्करमाथि गोलाबारी गरेपछि अमेरिका र इरानबीचको तनाव पुनः चुलिएको छ । इरानी सरकारी समाचार एजेन्सीका अनुसार राडार बन्द गरी हर्मुज स्ट्रेट पार गरिरहेको अवस्थामा उक्त ट्याङ्करलाई रोक्न चेतावनीस्वरूप गोली चलाइएको थियो । यस घटनालगत्तै अमेरिकी सेनाले इरानको बन्दर अब्बास बन्दरगाहनजिकै रहेको एउटा खाली क्षेत्रलाई लक्षित गरी जवाफी फायरिङ गरेको छ ।