कोइराला निवास पुगेर गगनले भने– ‘भदौ २४ को घटनालाई सरकारले ढाकछोप गर्न खोजिरहेको छ’

www.makalukhabar.com · 6 दिन अघि

नेपाली काँग्रेसका सभापति गगन थापाले जेनजी आन्दोलनका क्रममा भदौ २४ गते भएको घटनाको निष्पक्ष छानबिन नभएको र सरकारले यसलाई ढाकछोप गर्न खोजिरहेको आरोप लगाएका छन् । उनले भदौ २३ गतेको घटनामा राज्यको कमजोरी स्वीकार गर्दै अनुसन्धान र कारबाही प्रक्रिया अघि बढेको बताए । तर, २४ गते भएको तोडफोड, आगजनी र हिंसा तथा युवा र प्रहरीहरूको मृत्युबारे राज्य मौन बसेको उनको आरोप छ । थापाले सरकारले सय दिने कार्यक्रममा न्यायिक आयोग गठन गर्ने प्रतिबद्धता जनाए पनि हाल ढाकछोपको प्रयास भइरहेको भन्दै तत्काल आयोग गठन र दोषीलाई कारबाहीको माग गरेका छन् । उनले मानवअधिकार आयोगको प्रतिवेदन पनि तत्काल सार्वजनिक गर्न र कार्यान्वयनमा लैजान माग गरे ।