आर्थिक सर्वेक्षण २०८२/८३ : कुल राजस्वमा सङ्घ सरकारको हिस्सा ९२ प्रतिशत

www.nepaljapan.com · 21 घण्टा अघि

आर्थिक वर्ष २०८२/८३ को आर्थिक सर्वेक्षण अनुसार गत आर्थिक वर्ष २०८१/८२ मा सरकारले वार्षिक रूपमा सङ्कलन गर्ने राजस्वको ठूलो अंश सङ्घ सरकारबाट उठ्ने गरेको देखिएको छ । सङ्घ, प्रदेश र स्थानीय तह गरी तीन तहका सरकारको एकीकृत राजस्व सङ्कलन ११ दशमलव चार प्रतिशतले वृद्धि भई रु १२ खर्ब ८१ अर्ब ७० करोड पुगेको थियो । कुल राजस्वमध्ये सङ्घीय सरकारले सङ्कलन गरेको राजस्वको हिस्सा ९२ दशमलव एक प्रतिशत रहेको छ भने प्रदेश तथा स्थानीय तहको हिस्सा जम्मा सात दशमलव नौ प्रतिशत मात्र रहेको छ ।