अब घरबाटै पाउने भए भोजपुरबासीले जग्गाको नक्सा

भोजपुरका बासिन्दाले अब आफ्नै घरबाट जग्गाको नक्सा निकाल्न सक्ने भएका छन्। नापी विभाग मातहतका कार्यालयहरूले आफ्नो सेवालाई थप चुस्त, छरितो र पारदर्शी बनाउने लक्ष्यका साथ अनलाइनमार्फत यो सुविधा उपलब्ध गराउन थालेपछि स्थानीयलाई निकै सहज भएको हो। यो नयाँ प्रणालीको सुरुआतसँगै अब सर्वसाधारणलाई नक्सा लिनकै लागि नापी कार्यालयसम्म पुग्नुपर्ने बाध्यता हटेको छ।